მთაწმინდის პარკის პარკინგთან არსებული შენობა ჩამოინგრა. ამ დროს, ტერიტორიაზე სამი ადამიანი იმყლფებოდა. შედეგად, გარდაიცვალა 28 წლის ბიჭი, კიდევ ორი ახალგაზრდა კი დაშავდა.
ტვ პირველის ცნობით, ჩამონგრეული გადასახედი ახლა პოლიციის ლენტებით არის შემოსაზღვრული.
შენობა, რომლის იატაკიც ჩავარდა და კედლები ჩამოინგრა, მერიას არ ეკუთვნის.
ეს ადგილი ტურისტებს და ადგილობრივებს ფოტოების გადასაღებად იზიდავდა.
მშენებარე კედელი ჩამოინგრა და მოყვნენ. სამნი არიან მოყოლილი, ჩემი შვილის ძმაკაცი დაღუპულია და ორი მძიმე მდგომარეობაშია. საავადმყოფოში არიან. დაღუპული მორგში ჰყავთ, – ამბობს ერთ-ერთი დაშავებულების დედა.
