ბასტი-ბუბუს” კონცერტზე ყველასთვის საყვარელი “გოგიჩას” ქალიშვილი და შვილიშვილი გამოჩნდნენ. ნანუკა გოგიჩაიშვილმა საბავშვო სიმღერა პატარა აივისთან ერთად შეასრულა.
“აივიმ და ავამ იციან, როცა ღამდება და ცაზე ვარსკვლავი აციმციმდება, გოგიჩა ბაბუა!” – ნათია ბანძელაძის ემოციური პოსტი.
გიორგი გოგიჩაიშვილი
გიორგი გოგიჩაიშვილი 1968 წლის 28 აპრილს თბილისში დაიბადა. მარჯანიშვილის თეატრის მსახიობის, იოსებ გოგიჩაიშვილის და რუსთაველის თეატრის მსახიობის, ნანა დათუნაშვილის ოჯახში. საყოველთაო პოპულარობა მოიპოვა სატელევიზიო სივრცეში, უმეტესწილად შემეცნებით-გასართობ პროექტებში მოღვაწეობით. სხვადასხვა დროს იყო საზოგადოებრივი მაუწყებლის, ტელეკომპანია “იმედის”, “რუსთავი 2”-ის და სხვა ტელერადიოკომპანიების თანამშრომელი. სხვადასხვა შოუს პარალელურად, რეგულარულად იყო ჩართული საბავშვო-საყმაწვილო სტუდია “ბასტი-ბუბუს” პროექტებში, როგორც სატელევიზიო სახე, ასევე, როგორც ერთ-ერთი ორგანიზატორი.
“მის საქართველო 2008” – ხათუნა სხირტლაძის ცხოვრება სილამაზის კონკურსის შემდეგ
გიორგის მეუღლე ნათია ბანძელაძეს 2010-2012 წლებში პრეზიდენტის პრესსამსახურის უფროსის თანამდებობა ეკავა. წყვილს ორი შვილი, ნანუკა და ნინი ჰყავს. ორივე მათგანი მოდელია, ნანუკა “ვიცე-მის საქართველო 2015”-ის, ნინი კი “მის-საქართველო 2018”-ის ტიტულის მფლობელია.
ორი შვილის ბედნიერი დედა, ახალი ამპლუა და ცნობილი ოჯახი: უმშვენიერესი ნანუკა გოგიჩაიშვილის ამერიკული თავგადასავლი
გიორგი გოგიჩაიშვილი 2019 წლის 4 ივლისს გარდაიცვალა, სიმსივნესთან რამდენიმეწლიანი ბრძოლის შემდეგ.
„სხვა განზომილებაში, სხვა ათვლაში, სხვა სიშორით და უფრო მეტი ერთად ყოფნით, უკვე 5 წელი ვართ. აქაც მასწავლი, როგორი ვიყო, როგორ არ დაგკარგო და როგორ გიგრძნო, როცა მჭირდები და მენატრები, როცა ძალიან მტკივა და ვიკარგები! საოცარი ბიჭი ხარ, იქიდანაც კი საოცარი … მაგრამ არ მომწონს ეს ჩვენი ახალი თამაში, უფერო, უხმო, ცივი… მადლობა იმ სიფერადისთვის, რაც მაჩუქე და ერთად მარადისობად ვაქციეთ…
უკვე ბევრი ვართ მე, ნანუკა, ნინი, აივი, ავა. და შენც სხვა ხარ უკვე, გოგიჩა ბაბუ, რომელიც სხვაგან, მაგრამ ჩვენთან ხარ… მიყვარხარ… მენატრება ჩვენი ამბები…“, – წერდა ადრე ნათია ბანძელაძე.
ნანუკა გოგიჩაიშვილი
ქართველი მოდელი, ყველასათვის საყვარელი ნანუკა გოგოჩაიშვილი სოციალურ ქსელებში საკმაოდ აქტიურია და ხშირად აქვეყნებს სხვადასხვა ფოტოებსა და ვიდეოებს. ნანუკა გოგიჩაიშვილები ბავშვობიდან ექცეოდა ყურადღების ცენტრში, რაც მისი ცნობილი ოჯახით იყო გამოწვეული. ბებია და ბაბუა მსახიობები, იოსებ გოგიჩაიშვილი და ნანა დათუნაშვილი არიან, დედა და მამა კი – გიორგი გოგიჩაიშვილი და ნათია ბანძელაძე.
