ნანუკას ფონდის” დამფუძნებლის, ნანუკა ჟორჟოლიანის ბინის ჩხრეკისას, მის საცხოვრებელ ფართან დაკავშირებით “ოცნების”ხელისუფლების მომხრეთა მხრიდან აგორებულ ჭორებს თავად ადრესატი, ნანუკა ჟორჟოლიანი ვრცელი პოსტით ეხმაურება, რომელსაც უცვლელად გთავაზობთ:
“რადგან ჩემი გადაწყვეტილებაა პროპაგანდას ყოველთვის ვუპასუხოთ, მიწევს ამ სტატუსის დაწერა. ყველა ნორმალურ და ადეკვატურ ადამიანს ბოდიშს ვუხდი ასეთი პირადი დეტალებისთვის მესმის რომ ჩემი ბინა დიდია და კარგ ადგილას, მაგრამ ამ ყველაფერმა ქოცები რომ გაგაკვირვათ უცნაურია:))ბიძინამ რა საიდან იყიდა ჩაგაბარათ ანგარიში? მისი სახლების კვადრატულობა დათვალეთ? ბიძინას ფულის წარმომავლობა დაადგინეთ?
თქვენმა მთავრობებმა ტყეები როგორ გადაუფორმეს ცოლებს ეგ ამბავი გაიგეთ? სუსის ქოლ ცენტრებიდან ვინ რამდენით მდიდრდება იცით? წილოსანის მამა, რომელიც მილიონებს შოულობდა წინა მთავრობაში, ახლა რამდენ მილიონს ჭრის იცით, ოღონდ ეს ყველაფერი თქვენს ხარჯზე, სახელწმიფო ბიუჯეტით ხდება.არც მამაჩემს და არც მე, არასოდეს გვიმუშავია სახელმწიფო სამსახურში, მაგრამ მაინც ჩაგაბარებთ ანგარიშს.მამაჩემი მშენებელია. მისმა პარტნიორებმა და მეგობრებმა ააშენეს ეს კორპუსები.მშენებლობა 2000 ებში დაიწყო. შევარდნაძის დროს:)
პირველი ბინა რომელიც ზურიკომ ამ კორპუსებში აიღო სწორედ მარიამის ბინა იყო.ორი ბინა დაიმატა ბ კორპუსში. უნდოდა ყველას ერთად გვეცხოვრა.მეთორმეტეზე ჩემი მშობლებლი, ძმა, მისი შვილები ცხოვრობდნენ.მეათეზე მე.აქ, მამაჩემის ბინაში ვცხოვრობდი მაშინაც კი, როცა წინა ქორწინებაში ვიყავი.მამაჩემი ყოველთვის იყო ჩემი ფინანსური სიმყარე და ეს იცის ბევრმა, მათ შორის იმადამიანებმაც რომლებიც დღეს რუსთავი 2 ში და იმედში მუშაობენ.
ყოველთვის უსამართლოდ ვთვლიდი როდესაც ჩემი ცხოვრების ფურფუშელებს სხვა გვარს აწერდნენ და სიმართლე გითხრათ მომწონს კიდეც საჯაროდ იმის დაწერა, რომ სინამდვილეში ჩემი სიმყარე ყოველთვის ზურიკო იყო. ამიტომაც ვიყავი ყოველთვის თავისუფალი გადაწყვეტილებებში. არსად წასვლა მე არ მიწევდა. ყოველთვის მამის ბუდეში ვრჩებოდი და ყოველთვის მისი იმედი მქონდა. ეს სტატუსი დიდი გამომივიდა და ცალკე დავწერ ჩემზე და იქნებ იგივე მოსთხოვოთ მთავრობის წევრებსაც.”- წერს “ნანუკას ფონდის” დამფუძნებელი, ნანუკა ჟორჟოლიანი სოციალურ ქსელში.
შეგახსენებთ, რომ გუშინ, დილით პროკურატურის თანამშრომლებმა “ნანუკას ფონდის” დამფუძნებლის, ნანუკა ჟორჟოლიანის საცხოვრებელი სახლი გაჩხრიკეს. ჩხრეკის შედეგად ამოღებულია ტექნიკა.
უწყების წარმომადგენლებმა ჟორჟოლიანის გარდა, აქტივისტების – მარიამ ბაჯელიძისა და მარიამ გეგუჩაძის, ასევე, არასამთავრობო ორგანიზაცია „ადამიანის უფლებათა ცენტრის“ ხელმძღვანელის, ალეკო ცქიტიშვილის საცხოვრებელი ბინებიც გაჩხრიკეს.
წყარო: ინტერმედია
