გუშინ, გურჯაანში ბიზნესმენ და გურჯაანის მერის ყოფილი მოადგილე ნიკოლოზ გეთიაშვილს დაუდგენელი პირი სადარბაზოსთან დახვდა და ავტომატური ცეცხლსასროლი იარაღიდან ესროლა.
გეთიაშვილი გურჯაანის „ჯეო ჰოსპიტალშია“ გადაყვანილი და მისი ჯანმრთელობის მდგომარეობა სტაბილურია.
დაპირისპირების მოტივი უცნობია.
გურჯაანის „ჯეო ჰოსპიტალის“ მენეჯერის, გიორგი შათირიშვილის განმარტებით, დაჭრილს ქირურგიული წესით ჭრილობები უკვე დაუმუშავეს, თუმცა, რამდენ ხანს დარჩება ის საავადმყოფოში, უცნობია.
„ცეცხლნასროლი ჭრილობები აქვს მუხლსა და ხელზე. ქირურგიული ჩარევა უკვე განხორციელდა, დაყოვნებულია საავადმყოფოში და ჯერ ვერ გეტყვით, რამდენ ხანს იქნება საჭირო მისი აქ ყოფნა“, – განაცხადა შათირიშვილმა „პრაიმტაიმთან“.
„პრაიმტაიმის“ ინფორმაციით, ბიზნესმენ გეთიაშვილს, საკუთარ სადარბაზოსთან დახვდნენ.
გეთიაშვილი გურჯაანის მერის ყოფილი მოადგილეა და ამჟამად, ტექნიკის მაღაზია და კვების ობიექტები აქვს.
წყარო: primetime
