გაეროს მსოფლიო ტურიზმის ორგანიზაციის გენერალური მდივნის თანამდებობაზე „ქართულმა ოცნებამ“ ზურაბ პოლოლიკაშვილის კანდიდატურა მოხსნა და მხარს არაბთა გაერთიანებული საამიროების მიერ წარდგენილ კანდიდატს დაუჭერს.
აღნიშნულთან დაკავშირებით, თავად ზურაბ პოლოლიკაშვილმა „ფორმულასთან“ ინტერვიუში თქვა: „თვითმფრინავში რომ ჩავჯექი, მაშინ ვნახე deep ვირთხების გადაწყვეტილება.“
ამ ამბავს ჟურნალისტი ინგა გრიგოლია გამოეხმაურა.
„პოლოლიკაშვილის ამბავი მაგალითი უნდა გახდეს ყველა ქოცისთვის, რომ რეჟიმი აუცილებლად მოგადგება, ადრე თუ გვიან, ვინც არ უნდა იყო.. აუცილებლად !
ტიპი გულში რომ ქოცებზე ფიქრობდა თურმე, ეგ დიპ—ვირთხებიო, მაგრამ მაინც დუმდა და ერთხელ არ ამოუღია ხმა, არც რეჟიმის რუსობაზე, არც ამერიკის წინააღმდეგ განცხადებებზე, არც ევროკავშირთან მოლაპარაკების შეწყვეტაზე, არც რუსულ კანონზე, არც სპეცრაზმებით ახალგაზრდების დასისხლიანებაზე, არც პოლიტპატიმრებზე და ეხლა მეუბნები, ქოცები დიპ ვირთხები არიანო, მხოლოდ იმის დასტურია, რომ ყველა ქოცი იგივეს ფიქრობს გულში რეჟიმზე, მაგრამ სანამ კომფორტშია, ხმას არ იღებს .
ხოდა, ვერ ავჩუყდი პოლოლიკაშვილზე. მაგას კობახიძის ღიად ნათქვამი სიგიჟეები სჯობს, ვიდრე ფიქრობდე, რომ ვირთხების გუნდის ნაწილი ხარ და სანამ არ გაგაგდებენ, მშვენივრად გრძნობდე თავს. არადა,მისი პოზიცია და ხმამაღლა ნათქვამი სულ
სხვა ჟღერადობისა იქნებოდა, ხმა რომ ამოეღო, სანამ იმ უმნიშვნელოვანეს პოსტს იკავებდა!“, – აღნიშნავს გრიგოლია.
პოლოლიკაშვილს მალევე უპასუხა ირაკლი კობახიძემ. კობახიძის კომენტარი იხილეთ ბმულზე.
