ხვიჩა კვარაცხელია საფრანგეთის თასის ფინალში გუნდს ვერ დაეხმარა და თანაგუნდელებთან ერთად ვერც ტიტულის მოპოვების აღნიშვნა შეძლო.
როგორც „90 წუთი“ წერს, კვარა PSG-სთან ერთად, სამშაბათს, სრული დატვირთვით ივარჯიშებს და ჩემპიონთა ლიგის ფინალისთვის მოემზადება.
ინფორმაცია PSG-ს მთავარმა მწვრთნელმა, ლუის ენრიკემ დაადასტურა:
„გახურებისას კვარამ თავბრუსხვევა და თავის ტკივილი იგრძნო, რის გამოც არ გავრისკეთ, რადგან ბევრი მაღალი დონის ფეხბურთელი გვყავს.
სერიოზული არაფერია, ხვიჩა სამშაბათს დაგეგმილი ვარჯიშისთვის მზად იქნება”.
