ცნობილი მოგზაური და კონტენტ-კრეატორი სოსო ნებიერიძე, რომელსაც ათასობით მაყურებელი მსოფლიოს სხვადასხვა კუთხეში გადაღებული უნიკალური ვიდეოებით იცნობს, იშვიათად საუბრობს საკუთარ პირად ცხოვრებაზე. თუმცა ამჯერად, გადაცემაში “მარტოობის 15 წუთი” მან გულწრფელად გაიხსენა თავისი ოჯახური ისტორია.
სოსოს უკვე ორი შვილი ჰყავს. როგორც თავად ამბობს, ცოტა ხნის წინ გოგონას მამაც გახდა. მეუღლე, მარიკა ჭკადუა, მისთვის არა მხოლოდ საყვარელი ადამიანია, არამედ მნიშვნელოვანი მხარდამჭერიც:
“17 წლის ასაკში გავიცანი ჩემი ცოლი. 5 წელი შეყვარებულები ვიყავით. რთულ პერიოდში, სულ გვერდით მედგა და ძალიან მგულშემატკივრობდა. ჩემი სჯეროდა, რაც მთავარია… მე რომ ‘იუთუბერი’ ვარ და ჩემი ვიდეოები ძალიან მაგარია, მას დიდი წვლილი მიუძღვის.”
მოგზაური იხსენებს, რომ მეუღლესთან ერთად ხშირად განიხილავს ვიდეოების მონტაჟის დეტალებსაც და გადაწყვეტილების მიღებისას ყოველთვის მის შეხედულებებს ეყრდნობა:
“ჩემთვის, ჩემი ვიდეოები ძალიან მნიშვნელოვანია და თავად ვამონტაჟებ. რაღაც რომ არ ვიცი, ეს მომწონს/არ მომწონს — ვიცი, მარიკას რომ ვკითხავ, ის პასუხი ჩემთვის მისაღებია. მაგ საკითხში სხვას არავის ვენდობი, ყოველთვის სწორ რაღაცებს მირჩევს.”
სოსო აღნიშნავს, რომ ზოგიერთ ქვეყანაში მეუღლესთან ერთად მოგზაურობს. როგორც იხსენებს, ერთ-ერთი ბოლო მოგზაურობა ეთიოპიაში ჰქონდათ:
> „არის ქვეყნები (უსაფრთხო), სადაც ერთად დავდივართ. ბოლოს, ეთიოპიაში ვიყავით. მთლად უსაფრთხო არ არის, მაგრამ საკმაოდ მოეწონა. ვიდეოც სხვანაირი გამოვიდა…“
მოგზაურობისადმი დამოკიდებულება მის შვილებს განსხვავებული აქვთ. უფროსი შვილი, რომელიც უკვე 10 წლისაა, მსოფლიოს 15 ქვეყანაშია ნამყოფი, თუმცა როგორც სოსო ამბობს, მას სხვა ინტერესები აქვს:
> „უფროსი შვილი, 10 წლის, უკვე 15 ქვეყანაშია ნამყოფი. მოგზაურობა დიდად არ უყვარს, ფეხბურთით არის გატაცებული.“
სოსო ნებიერიძის ისტორია კიდევ ერთხელ მოწმობს, რამდენად მნიშვნელოვანია ოჯახური მხარდაჭერა მაშინ, როცა ადამიანი ქმნის და ავითარებს უნიკალურ და შთამაგონებელ საქმეს.
