კალათბურთის ნაკრების ყოფილმა წევრმა გიორგი ცინცაძემ მიხეილ ყაველაშვილისგან ღირსების ორდენის მიღებაზე უარი თქვა.
ამის პასუხად, საქართველოს პრეზიდენტმა დღეს მიმართვა გაავრცელა:
,,სულ ახლახანს დავაჯილდოვე ღირსების და წმინდა გიორგის ორდენით ჩვენი კალათბურთელები, ჩვენი საამაყო ხალხი, რომლებსაც დაახლოებით 1 თვეში ეწყებათ ევროპის ჩემპიონატი და წარმატება მინდა ვუსურვო.
რა თქმა უნდა, გიორგი ცინცაძეს, მინდა მადლობა გადავუხადო ქართველი ხალხის სახელით, გულშემატკივრის სახელით, რაც მან გააკეთა ქართული კალათბურთისთვის – ის იყო ჩვენი საამაყო კალათბურთელი და მისი ღვაწლი დაფასებულია.
ჩვენ თავისუფალი ქვეყანა ვართ, მისი არჩევანია რას გააკეთებს და როგორ მოიქცევა.
ერთი რამ მინდა ვუთხრა მას, ნუ გამოაყენებინებს საკუთარ სახელს, რომ ასე ვთქვათ, საკუთარი მეგობრები და კალათბურთელები დაზიანდნენ იმიტომ, რომ მათ მნიშვნელოვანი შეკრება უნდა დაეწყოთ, უნდა მიიღონ მონაწილეობა და წარმატება მინდა ვუსურვო და ეს იქნება ჩემი მიმართვა მის მიმართ – ის თავისუფალი ადამიანია, თვითონ გადაწყვიტოს რა სურს
ჩვენ გვახსოვს ბუდუ ზივზივაძის გამოყენება, ქოჩორაშვილის, როგორ ცდილობდნენ ევროპის ჩემპიონატის წინ შუღლი შეეტანათ, დაეპირისპირებინათ”, – თქვა ყაველაშვილმა
