ავარიას 22 წლის ბიჭი ემსხვერპლა.
ავტოსაგზაო შემთხვევა რამდენიმე საათის წინ, გორთან, კვარხითის გადასახვევთან მოხდა.
არსებული ინფორმაციით, მძღოლმა, სავარაუდოდ, საჭე ვერ დაიმორჩილა და გზის სავალი ნაწილიდან გადავარდა.
როგორც ,,მთავარ ამბებს” შინაგან საქმეთა სამინისტროში განუცხადეს, მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
