1933 წლის 27 სექტემბერს პერუში დაბადებულმა ლინა მედინამ 5 წლის ასაკში ბავშვი გააჩინა. ახალშობილი დროზე ადრე, 7 თვისა და 21 დღის ორსულობის შემდეგ დაიბადა. მედიცინის ისტორიაში ის დღემდე რჩება ყველაზე ახალგაზრდა დედად მსოფლიოში.
ერთ მშვენიერ დღეს მშობლებმა შეამჩნიეს, რომ პატარა ლინას მუცელი ეზრდებოდა. მათ მაშინვე ექიმს მიმართეს. თავდაპირველად ექიმებმა ჩათვალეს, რომ გოგონას სიმსივნე ჰქონდა, მაგრამ მალე აღმოაჩინეს, რომ ლინა ორსულობის მე-7 თვეში იყო.
ექიმმა ხერარდო ლოსადამ გოგონა პერუს დედაქალაქის მთავარ საავადმყოფოში გადაიყვანა იმისათვის, რომ სხვა ექიმებსაც დაედასტურებინათ, რომ გოგონა მართლაც ფეხმძიმედ იყო.
ნახევარი თვის შემდეგ, 1939 წლის 14 მაისს ლინამ საკეისრო კვეთით ბიჭი გააჩინა. ოპერაციამ წარმატებით ჩაიარა, ჩვილი 2, 7 კგ-ს იწონიდა და მას ექიმი ხერარდოს პატივსაცემად უწოდეს სახელი.
პატარა ხერარდომ მხოლოდ 10 წლის ასაკში გაიგო, რომ ლინა მისი და კი არა, მშობელი დედა იყო.
ბიჭი ჯანმრთელი იზრდებოდა, თუმცა ის 40 წლის ასაკში ძვლის ტვინის იშვიათი დაავადებით გარდაიცვალა.
უცნობია, როგორ დაორსულდა 5 წლის გოგონა ლინა. მას არასოდეს გაუმხელია ბავშვის მამის ვინაობა და არც ვითარება, რომელშიც ის დაორსულდა. მან 2002 წელს “რეიტერს” ინტერვიუზე უარი განუცხადა.
