იტალიაში სამუშაო და ბინადრობის ნებართვის მიღება მარტივდება – ამის შესახებ სოციალურ ქსელში, ემიგრანტი ჟურნალისტი ხათუნა შარაძე წერს.
„ემიგრანტებო გუშინ თავად გავხდი ამ ცვლილების თვითმხილველი და გაგიზიარეთ კიდეც საკუთარი გამოცდილება, როცა ბინადრობის ნებართვის ე.წ. „პერმესო დისოჯორონოს“ განახლებისთვის საემიგრაციო განყოფილებაში ვიყავი.
ახლა გიზიარებთ ოფიციალურ ინფორმაციას, რომელიც ძალიან მნიშვნელოვანი სიახლეა!!! გილოცავთ ემიგრანტებო, ეს ემიგრაციის უმნიშვნელოვანესი პროგრესია!!!
2026 | AprioriTV
იტალიაში სამუშაო და ბინადრობის ნებართვის მიღება მარტივდება. მთავრობამ წინასწარ დაამტკიცა ახალი წესები, რომლებიც ერთ განაცხადში აერთიანებს სამუშაოსა და ბინადრობის ნებართვას, ამცირებს ლოდინის დროს და ზრდის დასაქმებულთა დაცვას.
იტალია ნელ-ნელა ამარტივებს ემიგრანტების დასაქმების წესებს.
Consiglio dei Ministri-მა წინასწარ დაამტკიცა ახალი რეგულაცია, რომელიც ერთიან სამუშაო ნებართვას შეეხება.
ნებართვის გაცემა მაქსიმუმ 90 დღეში
შესაძლებელი იქნება დამსაქმებლის შეცვლა
სამსახურის დაკარგვის შემთხვევაში გაქვს მინიმუმ 3 თვე ახალი სამსახურის მოსაძებნად
დამსაქმებელი ვალდებული იქნება, ყველა ინფორმაცია გაგიზიაროს
ეს ცვლილებები ემიგრანტებისთვის ნიშნავს მეტ დაცვას, ნაკლებ ბიუროკრატიას და მეტ სტაბილურობას.
„რა უნდა იცოდეს ემიგრანტმა“ – პრაქტიკული ჩამონათვალი
თუ გექნება Permesso unico lavoro, უნდა იცოდე:
ბინადრობის და სამუშაო ნებართვა ერთიანდება ერთ დოკუმენტში
განაცხადის განხილვის მაქსიმალური ვადა – 90 დღე
შეგიძლია შეცვალო დამსაქმებელი, ახალი პროცედურის თავიდან დაწყების გარეშე
სამსახურის დაკარგვისას არ გახდები ავტომატურად არალეგალი
გაქვს მინიმუმ 3 თვე, რომ ახალი სამსახური იპოვო
დამსაქმებელი ვალდებულია, ყველა ოფიციალური ინფორმაცია დროულად მოგაწოდოს
ეს წესები ამცირებს ექსპლუატაციის რისკს და გაძლევს მეტ სამართლებრივ დაცვას.
Permesso Unico Lavoro – ხშირად დასმული კითხვები
რა არის Permesso Unico Lavoro?
ეს არის ერთიანი ნებართვა, რომელიც გაძლევს უფლებას იცხოვრო და იმუშაო იტალიაში ერთ დოკუმენტში გაერთიანებული პროცედურით.
ვის ეხება ეს ცვლილება?
მესამე ქვეყნების მოქალაქეებს (არა-ევროკავშირის წევრი ქვეყნების მოქალაქეებს), რომლებიც იტალიაში კანონიერად მუშაობენ ან მუშაობას გეგმავენ.
რამდენ ხანში უნდა მომცენ ნებართვა?
კანონით დადგენილია მაქსიმუმ 90 დღე, გამონაკლის შემთხვევების გარდა.
შემიძლია თუ არა დამსაქმებლის შეცვლა?
დიახ. ნებართვის მოქმედების პერიოდში შეგიძლია შეცვალო დამსაქმებელი, მხოლოდ შესაბამისი უწყებების ინფორმირებით.
თუ სამსახური დავკარგე, ნებართვას გამიუქმებენ?
არა. ნებართვა ავტომატურად არ გაუქმდება. გექნება მინიმუმ 3 თვე, რომ ახალი სამსახური იპოვო.
დამსაქმებელი ვალდებულია რამე მითხრას?დიახ. ახალი წესებით დამსაქმებელი ვალდებულია, ნულა-ოსტასა და სხვა ოფიციალურ საკითხებზე ყველა ინფორმაცია დროულად გაცნობოს“, – წერს ჟურნალისტი.
