ჩემპიონთა ლიგის ნახევარფინალში პარიზში საოცარი მატჩი შედგა.
პარი სენ-ჟერმენისა და მიუნხენის ბაიერნის მატჩი 5:4 დასრულდა.
ხვიჩა კვარაცხელიამ მოედანზე 84 წუთი გაატარა და პსჟ-ს რიგებში საუკეთესო იყო.
ქართველმა ვარსკვლავმა ორი გოლი გაუტანა მანუელ ნოიერს და მაღალი ქულაც დაიმსახურა.
90 MIN – 9 ქულა: “რა ფეხბურთელია, რა ტალანტი! ამ ვარსკვლავურ ღამეს ერთი მათგანი სხვებზე მეტად ბრწყინავდა. ხვიჩა კვარაცხელიას რეპუტაცია აქვს, რომ მატჩებს თვითონ ირჩევს. თუმცა, როდესაც ასეთი კალიბრის მატჩში დუბლის შესრულება შეგიძლია, იცი, რომ გასაოცარი ფეხბურთელი ხარ. მეორე ტაიმში სისწრაფით უპამეკანო უმწეოდ გამოაჩინა და შეეძლო პენალტი მოეპოვებინა. ეს ყველაფერი მნიშვნელოვანი დაცვითი წვლილის ხსენების გარეშეც კი. რა თამაში ჩაატარა!”
Maxi foot – 8.5 ქულა: “ჩემპიონთა ლიგის საღამოებზე ქართველი ფეხბურთელი ბრწყინვალებას აგრძელებს. პარი სენ-ჟერმენის გარემარბმა შესანიშნავი ინდივიდუალური მოქმედებით ანგარიში გაათანაბრა. უნაკლო შრომისმოყვარეობით მან თამაშის მიმდინარეობაზე გავლენა მოახდინა. ჰაკიმის ჩაწოდების შემდეგ დუბლი შეასრულა”.
სტატისტიკურმა გვერდმა Sofascore-მაც კვარაცხელიას თამაში 8.4 ქულით შეაფასა.
