გარდაბანში მომხდარი ავარიის შედეგად დაშავებული ახალგაზრდა კლინიკაში გარდაიცვალა – ამის შესახებ ინფორმაციას რუსთავის ცენტრალური საავადმყოფოს დირექტორი ადასტურებს. ჯამში ავტოსაგზაო შემთხვევას 8 ადამიანი ემსხვერპლა.
ავარია გარდაბანში, სოფელ ბირლიკში გუშინ მოხდა. წინასწარი ინფორმაციით, მსუბუქი ავტომობილი ხეს შეეჯახა, შემდეგ კი აალდა.
ავტოკატასტროფას 17, 18 და 19 წლის ახალგაზრდები იმსხვერპლა. გარდაცვლილებს შორის არიან ძმები ორი ოჯახიდან. გავრცელებული ინფორმაციით ისინი დაბადების დღის სუფრიდან მოდიოდნენ.
