ქობულეთში ავტოსაგზაო შემთხვევა მოხდა. მსუბუქი ავტომობილი რკინიგზის სადგურის მიმდებარე ტერიტორიაზე ხეს შეეჯახა, რის შედეგადაც ხუთი ადამიანი დაშავდა.
„აჭარა თაიმსის“ ინფორმაციით, დაშავებულები სასწრაფო სამედიცინო დახმარების ჯგუფებმა კლინიკაში გადაიყვანეს.
შინაგან საქმეთა სამინისტროს ინფორმაციით, ფაქტზე გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
