მძღოლი, რომელიც ტროტუარზე მიმავალ ქალს ავტომობილით დაეჯახა, რუსეთის მოქალაქე ოლგა სვიატკინაა.
ის მეუღლესთან ერთად ცოტნე დადიანის ქუჩაზე, რამდენიმე წელია ცხოვრობს.
მისი ადვოკატის თქმით, მომხდარის მიზეზი მანქანის გადამცემი კოლოფის გაუმართაობა გახდა.
,,თავად, რუსეთის მოქალაქეა, ქმარი ჰყავს უკრაინის მოქალაქე. დიდი ხანია საქართველოში იმყოფებიან და არავითარი კავშირი არ აქვთ არც რუსებთან და არც უკრაინასთან. ეს ქალბატონი საკმაოდ კარგი მძღოლია, მაგრამ ხდება ხოლმე. ეს იყო მანქანის პატარა ნაწილის გაუმართაობა. განადგურებულია, ასე რომ ვთქვათ”, – ამბობს ადვოკატი.
მას წინასწარი 3-თვიანი პატიმრობა აქვს შეფარდებული.
