,,ილიას სახელმწიფო უნივერსიტეტი და საქართველოს ეროვნული ოლიმპიური კომიტეტი 93 წლის მეცნიერსა და პედაგოგს, ბიოლოგიის მეცნიერებათა დოქტორს, საპატიო პროფესორს, დურმიშხან ჩიტაშვილს ემშვიდობება.
ჩიტაშვილი ყვარლის მუნიციპალიტეტის სოფელ შილდაში დაიბადა. მისი საქმიანობა საქართველოში სპორტული მეცნიერებისა და ფიზიოლოგიის განვითარებას უკავშირდება.
სხვადასხვა პერიოდში იგი ხელმძღვანელობდა საქართველოს სახელმწიფო ფიზკულტურის ინსტიტუტის ფიზიოლოგიის კათედრას, იყო მწვრთნელთა ფაკულტეტის დეკანი და პრორექტორი.
სპორტის სხვადასხვა სახეობაში მეცნიერ-კონსულტანტად მუშაობდა და ქართველი სპორტსმენების საერთაშორისო შეჯიბრებებისთვის მომზადებაში მონაწილეობდა.
ჩიტაშვილს გამოქვეყნებული აქვს 100-ზე მეტი სამეცნიერო ნაშრომი, მათ შორის სამი მონოგრაფია. დაცული აქვს საკანდიდატო და სადოქტორო დისერტაციები.
ილიას სახელმწიფო უნივერსიტეტი და ეროვნული ოლიმპიური კომიტერი სამძიმარს უცხადებენ ოჯახს, ახლობლებსა და კოლეგებს”.
