კესარია აბრამიძის მეგობარი იაკობ მამულია იმ საუბრებს იხსენებს, რომელიც საკუთარი ყურით აქვს მოსმენილი კესარიას მკვლელობაში ბრალდებული ბექა ჯაიანისგან.
„კესარია რაღაც პერიოდი მეგობართან იყო წასული, ქვეყნიდანაც წავიდა. რაღაც პერიოდის მერე რომ დაბრუნდა იმან, რა თქმა უნდა, არ მოისვენა. ჩემი ყურით მაქვს მოსმენილი, როგორ ეუბნებოდა კესოს, შენი ბრალია ისიც, რომ გამაგიჟე, რომ მომწონხარ, ვიღაცები მეუბნებიან, რომ გადაკეთებულ ქალთან ხარო”, – ამბობს მამულია მთავარ არხთან.
ის მკვლელობას იმ კესარიას მიერ გამოქვეყნებულ ფოტოს უკავშირებს, რომელშიც ბექა ჯაიანთან ერთად აქვს გადაღებული.
„იმიტომ, რომ ეს ტიპი იყო ისეთი, რომ თან ამბობდა, არავინ არ მაინტერესებს, ჩემი უნდა იყო, ცოლად უნდა მოგიყვანოო, თან ასეთ ჭკუაზე იყო და თან ოჯახი და ყველა ებრძოდა და ეუბნებოდა, ასეთი რომ ვარ შენი ბრალიაო“, – ამბობს კესარიას მეგობარი.
