„ნაპოლის“ მწვრთნელმა ანტონიო კონტემ ტურინის იუვენტუსთან მოახლოებული მატჩის წინ განგაშის ზარები შემოკრა.
იქიდან გამომდინარე, რომ ხვიჩა კვარაცხელიას კალიართან შეხვედრის დროს ხშირად ეუხეშებოდნენ, ამის შანსი კი იუვენტუსთან მატჩშიც ძალიან დიდია, კონტემ მსაჯებს მკაცრად მოუწოდა, ყვითელი ბარათები უჩვენონ ყველას, ვინც მის ფეხბურთელს მოედანზე ეუხეშება.
„მძულს ძალადობრივი თამაში. როგორც ფეხბურთელი, არასდროს მიმიცია ჩემი თავისთვის უფლება, განზრახ ზიანი მიმეყენებინა მეტოქისთვის, ეს კაცური საქციელი არ არის. როგორც მწვრთნელს, არასდროს დამივალებია ჩემი ფეხბურთელისთვის მეტოქისთვის განზრახ ჩაერტყა შეშინების მიზნით. რაც კალიარიში 30 წამის შემდეგ მოხდა, ასე რომ ვთქვათ, დაშინების ჯარიმა იყო. მსაჯებს არ უნდა ეშინოდეთ ყვითელი ბარათის ჩვენება, თუ ეს სამართლიანია და მნიშვნელობა არ აქვს, ეს იქნება 30-ე წამზე თუ 95-ე წუთზე.
ვფიქრობ, კალიარის ფეხბურთელს უხეშად გამიზნულად არ უთამაშია კვარას წინააღმდეგ, არც კი მინდა ასე ვიფიქრო, მაგრამ ჩემი აზრით, ყვითელი ბარათი იყო და მსაჯებმა ის უნდა გამოიყენონ, რადგან გარდა იმისა, რომ ეს სამართლიანია, ასე უფრო დაიცავენ ნიჭიერ ფეხბურთელებს, რომლებიც თამაშს ქმნიან და სიამოვნებას გვანიჭებენ“, – ამბობს კონტე.
