სერია A-ს 2024/2025 წლების სეზონის მე-5 ტურში, “იუვენტუსისა” და “ნაპოლის” დაპირისპირება შედგება.
პრინციპული დაპირისპირების წინ, “ბებერი ქალბატონის” მთავარმა მწვრთნელმა – ტიაგო მოტამ, მატჩის შესახებ ისაუბრა.
მისი თქმით, იუვენტუსის მთავარი გეგმაა, „ნაპოლის“ ქართველ ვარსკვლავს, ხვიჩა კვარაცხელიას სივრცეები არ დაუტოვონ.
“პირველ რიგში დავიწყებ იმით, რომ ნაპოლი წელს ჩანს, რომ ძალიან კარგი გუნდია. ისინი მიმდინარე სეზონში სერია A-ს ტიტულისთვის იბრძოლებენ და ამ ყველაფერს უკვე ამტკიცებენ. კლუბში მოიყვანეს ისეთი ფეხბურთელები, რომლებსაც უმაღლეს დონეზე უთამაშიათ და შეუძლიათ, რომ ჩემპიონობისთვის კლუბს ძალიან მაგრად დაეხმარონ.
სეზონი ჩვენც კარგად დავიწყეთ, ჩემპიონთა ლიგაზე მარტივი გამარჯვება მოვიპოვეთ, თანაც არც ისე სუსტ მეტოქესთან. სერია A-ში მცირე პრობლემები გვქონდა, თუმცა ახლა გუნდი იდეალურ ფორმაშია და გვჯერა, რომ ჩემპიონობისთვის ბრძოლა თამამად შეგვიძლია.
მძიმე მატჩი გველის, თუმცა ჩვენ გუნდურად უნდა ვითამაშოთ და ვიმუშავოთ. ერთმანეთს დავეხმაროთ, როდესაც ბურთი არ გვექნება პრესინგი უნდა ვითამაშოთ.
მნიშვნელოვანია, რომ ხაზებს შორის სივრცეები არ დავტოვოთ, რადგან მათ ჰყავთ ხვიჩა კვარაცხელია, რომელიც ნაპოლიში გადასვლის შემდეგ ყველას აოცებს. მან სეზონი მაგრად დაიწყო და ძალიან საშიში მოთამაშეა, სწორედ ამიტომ ყველაფერი უნდა გავაკეთოთ, რომ ის ამოვკეტოთ და სივრცეები არ დავტოვოთ, რადგან კვარას შემდეგ ლუკაკუ მოდის, რომელსაც გოლის გატანა მარტივად შეუძლია.
ჩვენ ვეცდებით, რომ თამაში ჩვენს სასარგებლოდ წავიყვანოთ, დანარჩენს კი ვნახავთ.”– ტიაგო მოტა
წყარო: belive.ge
