კესარია აბრამიძის ოჯახი ავრცელებს პირველ განცხადებას, რომელიც სასამართლო გადაწყვეტილებას შეეხება.
სასტიკად მოკლული ტრანსგენდერი ქალის ოჯახი ბრალდებულ ბექა ჯაიანისთვის უმკაცრეს სასჯელს ითხოვს და ამბობს, რო. მისი შეურაცხადობის და აფექტის მდგომარეობაში ყოფნის არ სჯერათ.
ოჯახის პოზიცია მათმა ადვოკატმა გააჟღერა. მისი თქმით, კესარიას ოჯახი სასჯელის ზომად და სახედ თავისუფლების უვადო აღკვეთას ითხოვს.
მოკლულის ოჯახის თქმით, იმ შემთხვევაში, თუ მკვლელობისთვის დაკავებული ბექა ჯაიანი ციხის ნაცვლად ფსიქიატრიულ კლინიკაში გაუშვეს, ბოლომდე იბრძოლებენ.
კესარია საკუთარ სახლში 18 სექტემბერს მოკლეს. მას სხეულზე დანით 28 ჭრილობა ჰქონდა მიყენებული. მკვლელობის ბრალდებით მისი ყოფილი პარტნიორი ბექა ჯაიანია დაკავებული.
გამოძიება სისხლის სამართლის კოდექსის 109-ე მუხლის „თ“ და „მ“ პუნქტებით მიმდინარეობს, რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობას გულისხმობს.
წყარო: primetime
