ოქროს ბურთის 2024 წლის დაჯილდოებას ქართველი გულშემატკივრები ძალიან დიდი ინტერესით აკვირდებოდნენ, რადგან გიორგი მამარდაშვილი წლის საუკეთესო მეკარის ჯილდოზე იყო წარდგენილი.
საბოლოოდ, გიორგი მამარდაშვილი მე-7 პოზიციაზე დასახელდა.
ცოტა ხნის წინ კი გამოქვეყნდა, თუ რა ქულები მიიღეს იაშინის სახელობის ჯილდოზე წარდგენილმა მეკარეებმა.
მართალია, პირველი სამეული დიდი უპირატესობით სარგებლობდა, თუმცა, როგორც ირკვევა, გიორგი მამარდაშვილს ძალიან ცოტა დააკლდა საუკეთესო ხუთეულში შესასვლელად. ის მე-6 ადგილოსან იან ზომერს სულ 1 ქულით ჩამორჩა, ხუთეულში მოსახვედრად კი სულ რაღაც 6 ქულა დააკლდა.
- ემილიანო მარტინესი – 276 ქულა
- უნაი სიმონი – 213 ქულა
- ანდრეი ლუნინი – 112 ქულა
- ჯანლუიჯი დონარუმა – 58 ქულა
- მაიკ მენიო – 56 ქულა
- იან ზომერი – 51 ქულა
- გიორგი მამარდაშვილი – 50 ქულა
- დიოგუ კოშტა – 28 ქულა
- რონვენ უილიამსი – 27 ქულა
- გრეგორ კობელი – 20 ქულა
თუმცა, ფაქტია, რომ გიორგი მამარდაშვილმა, როგორც ოქროს ბურთზე წარდგენილმა პირველმა ქართველმა მეკარემ, უკვე დიდი წარმატებას მიაღწია, რომ ასეთი სახელოვანი მეკარეების ათეულში მოხვდა და რამდენიმე მათგანს ქულებით აჯობა კიდეც.
