ცნობილი ხდება თბილისში, ჯავახიშვილის ქუჩაზე ერთ-ერთ ბინაში გარდაცვლილი 2 ახალგაზრდის ვინაობა.
გარდაცვლილები არიან 26 წლის ელენე ძინძიბაძე და 23 წლის ლაშა მინდელი.
როგორც ირკვევა, ახალგაზრდა მამაკაცს ეს ბინა ნაქირავები ჰქონდა.
რაც შეეხება ელენე ძინძიბაძეს, მას სამი შვილი დარჩა.
გავრცელებული ინფორმაციით, ისინი წინა დღეს არიან გარდაცვლილები.
მას შემდეგ, რაც ლაშა მინდელი სატელეფონო ზარებს არ პასუხობდა, მეგობარმა განგაში ატეხა. ადგილზე მისულებს, ცხედრები დახვდათ.
მომხდარზე გამოძიება 115-ე მუხლით მიმდინარეობს.
დგინდება ახალგაზრდების გარდაცვალების მიზეზი.
“საშინელი ამბავია, ელენეს შესახებ რაც გავიგეთ. ძალიან კარგი გოგონა იყო. თბილისში ცხოვრობდა, თელავში იყო გათხოვილი და როცა მეუღლეს გაშორდა კვლავ თბილისში დაბრუნდა. სამი შვილი დარჩა. პატარები ბაღში დადიან, როგორც ვიცი, ერთი სკოლაში” – ამბობენ ახლობლები Ambebi.ge-სთან.
