ქართველი ემიგრანტი ინგა კამლაძე თანამემამულეებს მიმართავს, რომლებიც სამუშაოდ იტალიაში იმყოფებიან.
მისი თქმით, იმის მიუხედავად, აქვთ თუ არა ქვეყანაში ლეგალურად ყოფნის უფლება, ყველას აქვს უფლება, მოითხოვოს ექიმი. მისი თქმით, ჯანმრთელობა ყველამ პირველ ადგილზე უნდა დააყენოს.
,,დღე არ გავა იტალიაში ისე რომ არ გაიგო სიტყვა “გარდაიცვალა” – მოსასმენათაც კი ძნელია ამის გაგონება. სული მეკუმშება ხოლმე. განა სიცოცხლე არ დაიმსახურა იმან ვინც შეძლო და ეს ნაბიჯი გადადგა.
იქნებ გაუფრთხილდეთ საკუთარ თავს და პირველ რიგში თქვენი ჯანმრთელობა დააყენოთ და მერე ის ოჯახი ვისთვისაც გადმოიხვეწეთ ამ უცხო მიწაზე.
თუ შეგაწუხა რაიმემ გაქვს უფლება ექიმი მოითხოვო არა აქვს მნიშვნელობა საბუთიანი ხარ თუ უსაბუთო. გამოდი იმ სამსახურიდან სადაც ცუდად გრძნობ თავს.
ამ ქვეყანაზე ერთხელ მოდიხარ და დააფასე შენი სიცოცხლე.
ნუ დალევთ მოხუცის წამლებს! დამამშვიდებლებს! ვერ შეძელი აქ ყოფნა უნდა წახვიდე შენს სახლში. მშიერი არავინ კვდება საქართველოშიც, შეიძლება ძვირადღირებული მანქანები და ტელეფონები, ძვირადღირებული ბინები ვერ შეიძინოთ მაგრამ სახლში მაინც იქნებით. გამგებმა გაიგოს ჩემი დაწერილი და შეარჩიეთ სად გაგეძლევნებათ.
ნუ ჩაიკეტები ისეთ ადგილას სადაც ტყვეობაში ხარ !მერე რა რომ იმდენს ვერ აიღებ. საკუთარი თავი დააფასედ აუცილებლად. 💕
ყველას ჯანმრთელობას გისურვებთ”, – წერს ინგა კამლაძე.
