უკრაინაში დაჭრილი 25 წლის ქართველი სპარტაკ ლეკიაშვილი გარდაიცვალა. ინფორმაციას მებრძოლის ახლობლები ავრცელებენ.
„ძალიან მიჭირს პაკო შენზე წარსულში ლაპარაკი რამდენი იბრძოლე და მაინც დამარცხდი. ვიზიარებ გოგოებო ამ დიდ ტკივილს სიტყვები ზედმეტია. მთელი ჩემი ბავშვობა ხარ პაკო“, – წერს მებრძოლის ახლობელი.
ქართველი მებრძოლი მეორე წელია, პარალიზებული იყო, დაჭრილმა მხედველობაც დაკარგა და მას საზოგადოების მხარდაჭერით, ექიმები სხვადასხვა სახის მკურნალობას უტარებდნენ.
ოჯახის ახლობლების ინფორმაციით, ბოლოს ახალგაზრდა სამკურნალოდ საფრანგეთში იყო გადაყვანილი.
სპარტაკ ლეკიაშვილი 2023 წელს უკრაინაში, ბახმუტის ბრძოლების დროს საჰაერო დაბომბვაში მოჰყვა და მძიმედ დაიჭრა.
