გიორგი მიქაუტაძემ 2021 წელს, ეროვნულ ნაკრებში დებიუტიდან მალევე დაიპყრო ქართველი გულშემატკივრების გულები, ევროპის ჩემპიონატზე ასპარეზობის შემდეგ კი, სადაც 4 შეხვედრაში 3 გოლი გაიტანა, უამრავი ბავშვის და მოზრდილის კუმირად იქცა. პოპულარობის მატებასთან ერთად, განხილვის საგნად იქცა მისი იმიჯი – როგორც მოგეხსენებათ, გიორგის ევროპის ჩემპიონატის დროს მოზრდილი წვერი ჰქონდა. ამასთან დაკავშირებით იმდენი კომენტარი გაკეთდა, რომ გიორგის დედამ ამ საკითხს პოსტიც კი მიუძღვნა და დაადასტურა, რომ მის შვილს 100%-ით ქართული ფესვები აქვს.
„ხალხნო, შევწუხდი (თორემ არც კი დავწერდი). ქართველები ვართ ქართველები. გიორგი მიქაუტაძეს მშობლები ქართველები არიან, მაშასადამე გიორგი ქართველია. გასაგებიააა? თუ მაინც და მაინც არ მოიშლით, დაბადების მოწმობას გავაზიარებ. ვინც გვიცნობს, არ გაგიკვირდეთ. ეს მათთვის, ვინც ტვინი წაიღო (სრული ამ სიტყვის მნიშვნელობით) გიორგის წარმოშობასა და მის წვერზე. ძალიან დიდი მადლობა რომ ზრუნავთ მის გარეგნობაზე, მაგრამ არ არის საჭირო! უღრმესი მადლობა კიდევ ერთხელ გიორგის გულშემატკივარს. თქვენი თბილი და გულწრფელი სიტყვები ძალიან მნიშვნელოვანია ჩვენთვის და მისთვის”, – დაწერა გიორგის დედა.
იქედან გამომდინარე, რომ ზოგს ეჭვი ეპარებოდა გიორგის წარმომავლობაში, შესაძლოა კითხვის ნიშნის ქვეშ დამდგარიყო ის საკითხიც, იყო თუ არა გიორგი მართლმადიდებელი.
ახლახან, მას Geo Team საფრანგეთში ესტუმრა და არაერთ საინტერესო თემაზე ესაუბა.
„ძალიან ხშირად ახსენებ ღმერთს – შენი დამოკიდებულება რწმნენასთან და ყველა გოლის შემდეგ, ცაში აღმართული ხელები – ვის ესაუბრები ცაში?“
ამ კითხვაზე ფეხბურთელმა შემდეგნაირად უპასუხა:
„ღმერთს, უფალს მადლობას ვუხდი. ყოველ დღე პირჯვარს ვიწერ, რომ ვიღვიძებ, რომ გავდივარ სახლიდან, რომ ვიძინებ მამაო ჩვენოს ვამბობ და თუ ღმერთის არ მწამს, ვისი უნდა მწამდეს? რომ ვიტან გოლს, ხელებს ვშვლი მაღლა და მადლობას ვუხდი“, – ამბობს ის.
ცნობისთვის, გიორგი მიქაუტაძე საფრანგეთში დაიბადა და გაიზარდა, საქართველოს ეროვნულ ნაკრებში სათამაშოდ კი ორმაგი მოქალაქეობა აიღო.
