ტელეკომპანია „ფორმულას“ ჟურნალისტი გურამ როგვავა, რომელიც აქციაზე მძიმედ დაშავების შემდეგ საავადმყოფოში რჩება, სატელევიზიო კომენტარს აკეთებს.
„ექიმების თქმით, ბეწვზე ვარ გადარჩენილი რომ არ დავკარგე მგრძნობელობა ოთხივე კიდურში. უშალოდ ის დაზიანება, რაც მაქვს, ქმნიდა ამის რისკებს. მიმდინარეობს ჩემზე დაკვირვება. ამ დროისთვის თავს უსაფრთხოდ ვგრძნობ. ექიმები ძალიან ყურადღებით მექცევიან.
უამრავი ომი, კონფლიქტი გამიშუქებია, საპროტესტო აქციები, მათ შორის სხვადასხვა ქვეყანაში, მაგრამ ასეთი დამოკიდებულება ჟურნელისტების მიმართ არ მახსენდება. უკნიდან მოპარვით ადამიანის გაწირვა“, – ამბობს გურამ როგვავა.
