თამრიკო ჭოხონელიძე მიმართვას ავრცელებს და ემიგრანტების შესახებ მის ნათქვამს, რამაც დიდი აჟიოტაჟი გამოიწვია, განმარტავს.
„ჩემო ძვირფასო ემიგრანტებო, კიდევ ერთხელ იკადრეს უკადრებელი ამ სახელისუფლებო არხებმა და დამიჭრეს ჩემი გამოსვლა. ძალიან დიდი ცილისწამებაა, რაც გამოაქვეყნეს. მე მოგმართავდით თქვენ და ძალიან კარგად იცით ჩემი დამოკიდებულება. მე თქვენ მადლიერებას გიგზავნით და ძალიან ღირსეულები ხართ.
არაფერს ვიტყვი, მე არც თავს მიმართლებ, რადგან მართალი ვარ. თურმე საშინელი აჟიოტაჟი ატყდა, ასეც უნდა ყოფილიყო, რადგან გასალანძღია ის ადამინი, ვინც ზოგადად ემიგრანტებს ლანძღავს. მაგრამ სამწუხაროდ, თქვენში გამოერია ემიგრანტები, რომლებიც უბრალოდ პროპაგანდირებს რუსეთს და ნერვებს უშლის აქ იმ ადამიანებს, ვინც სიცოცხლეს რისკავს. იმათ ვუთხარი გაჩუმდით მეთქი და გაჩუმდით, შეიმალეთ სოროებში, როგორც ვირთხები, რადგან საქართველოს ღირსი არ ყოფილხართ“, – ამბობს ვიდეოში თამრიკო ჭოხონელიძე.
