უკრაინაში რუსეთის სრულმასშტაბიანი შეჭრიდან პირველად, ვოლოდიმირ ზელენსკი თავისი ხაკისფერი სამოსის ნაცვლად, ოფიციალური სამოსით გამოჩნდა და პიჯაკი მოირგო.
როგორც BBC წერს, ჟურნალისტებმა გაოცება ვერ დამალეს, როდესაც ჰააგაში ჩასული ზელენსკი ამ ფორმაში დაინახეს.
მათ უკრაინის პრეზიდენტის ადმინისტრაციას კითხვითაც მიმართეს, თუ რა გახდა ასეთი მოულოდნელი ცვლილების მიზეზი, თუმცა, პასუხი ჯერ არ მიუღიათ.
აღსანიშნავია, რომ აშშ-ის პრეზიდენტად დონალდ ტრამპის არჩევის შემდეგ, ზელენსკი თეთრ სახლში თავისი ჩვეული, ხაკისფერი სამოსით მივიდა, რის გამოც ტრამპის დაუფარავი უკმაყოფილება გამოიწვია. მაშინ, ტრამპმა ჩათვალა, რომ ამით, ზელენსკიმ ომის დასრულების მზაობა არ გამოთქვა.
ბოლოს, უკრაინის პრეზიდენტი ოფიციალურ სამოსში 2022 წლის 24 თებერვალს ნახეს, როდესაც მან საომარი მდგომარეობის შემოღება გამოაცხადა.
ამის შემდეგ, მსოფლიო ლიდერებთან შეხვედრისა, თუ აშშ-ის კონგრესში სიტყვით გამოსვლისას, უკრაინის სამოსს სამხედრო სტილის ტანსაცმელს ირჩევდა.
