გარემოს ეროვნული სააგენტო 19-21 მაისს საქართველოში მოსალოდნელი ამინდის შესახებ ინფორმაციას ავრცელებს.
უწყების ცნობით, უახლოეს დღეებში საქართველოში შედარებით გრილი და დროგამოშვებით ნალექიანი ამინდია მოსალოდნელი. ზოგან შესაძლებელია ელჭექი და ქარის გაძლიერება.
საგარეჯოში, თელავში, გურჯაანში, სიღნაღში, ლაგოდეხში, ყვარელში, ახმეტასა და დედოფლისწყაროში, ხანმოკლე წვიმა და ელჭექია მოსალოდნელი. ჰაერის ტემპერატურა დღისით +21, +23 გრადუსამდე გათბება.
19 და 21 მაისს თბილისში ხანმოკლე წვიმა და ელჭექია ნავარაუდევი, ხოლო 20 მაისს უნალექო ამინდია მოსალოდნელი. ჰაერის ტემპერატურა დღისით +20, +22 გრადუსი იქნება.
სინოპტიკოსების ინფორმაციით, ამ შუალედში ნალექიანი ამინდია მოსალოდნელი როგორც დასავლეთ, ისე აღმოსავლეთ საქართველოს სხვა რეგიონებშიც.
