მეტეოროლოგი კობა ფარტენაძე სოციალურ ქსელში მოსალოდნელი ამინდის შესახებ ავრცელებს ინფორმაციას.
როგორც ფარტენაძე წერს, 26 თებერვლიდან ქვეყნის მასშტაბით, ამინდი გაუარესდება და 27 ტებერვლიდან აცივდება.
• დაბლობში და ბარში ნალექი ძირითადად წვიმის სახით მოვა, ქარისა და სუსხიანი სიცივის ფონზე.
• მთასა და მაღალმთიან რეგიონებში მოსალოდნელია თოვლი და ქარბუქი.
• ზამთრის კურორტებზე არსებული დაბალი თოვლის საფარი უხვად შეივსება ახალი, მყარი თოვლით, რაც სათხილამურო სეზონს გააძლიერებს.
ამასთან, მეტეოროლოგი მოსახლეობას სიფრთხილისკენ მოუწოდებს
„სიფრთხილე და პრევენციული ზომებია საჭირო ისეთი არასასურველი პირობების თავიდან ასაცილებლად, როგორიცაა – მეწყერი, ელჭექი, ტრანსპორტის მოძრაობის შეფერხება, ძლიერი ქარი ნალექების დროს და ხილვადობის შემცირება ზღვის დონიდან 1000 მეტრის ზემოთ ძლიერი თოვლის გამო.“,- წერს ფარტენაძე.
