ბოლო წელიწად ნახევარი უსინათლო მომღერლისთვის განსაკუთრებით რთული იყო, რადგან 2023 წლის 20 მაისს გარდაიცვალა დიანა ღურწკაიას საყვარელი მეუღლე, პეტრე კუჩერენკო. მიუხედავად იმისა, რომ ტრაგედიიდან უკვე მრავალი თვე გავიდა, მომღერალი ვერ ეგუება დანაკარგს.
“რა თქმა უნდა, ძალიან ძნელია. ვერ ვიტან, როცა მეუბნებიან: “მან შენს გვერდით 18 წელი გაატარა“. ვინ თქვა, რომ ეს წლები საკმარისი იყო ჩემთვის? სიცარიელე არის სიცარიელე”, – განაცხადა მომღერალმა რუსულ მედიასთან.
ინტერვიუში ღურწკაიამ საკუთარ თავზე დაკავშირებული შოკისმომგვრელი დეტალები გაამჟღავნა. მომღერალმა გაიხსენა, როგორ გაანადგურა ექიმების დიაგნოზმა – როდესაც უთხრეს, რომ საშვილოსნოს კიბო ჰქონდა. ამის მოსმენისას ერთადერთი რაზეც აღელდა ეს იყო შვილის ბედი. არ უნდოდა, რომ ბიჭი დედის გარეშე დარჩენილიყო. საბედნიეროდ, მოგვიანებით გაირკვა, რომ ექიმებმა შეცდომა დაუშვეს.
„ჩემს ირგვლივ ყველა ტიროდა და უკვე მემშვიდობებოდნენ – მთელი ოჯახი… მე კი თითქოს ამის არც შემშინებია. სხვადასხვა ექიმთან ვიყავით, ბოლოს ერთ-ერთმა ექიმმა გვითხრა, რომ დიაგნოზი არასწორად დამისვეს. ამ დროს პეტრეს ჩემზე მეტად ეშინოდა” – იხსენებს ღურწკაია.
საყვარელ ადამიანებზე საუბრისას დიანამ გაიხსენა, როგორი ემოციებით ელოდა ბავშვის გაჩენას. ექიმების თქმით, არსებობდა რისკი, რომ შვილსაც იგივე ჯანმრთელობის პრობლემები ჰქონოდა, რაც მას, ამიტომ ღურწკაია განსაკუთრებულად ყურადღებით აკვირდებოდა საკუთარ მდგომარეობას და რეგულარულად იტარებდა გამოკვლევებს.
„თავიდან მწყინდა კიდეც, რომ არაფერი მჭირდა. ისე ძალიან ველოდი ტოქსიკოზს, მინდოდა გამომეცადა! და როცა ეს მომენტი დადგა, კონცერტების პერიოდს დაემთხვა. მახსოვს, სულ თან დამქონდა ორცხობილები, ლიმონი… ეს სასიამოვნო იყო. ორმაგი კონტროლი მჭირდებოდა…
მეშინოდა, რომ ბავშვს შეიძლება ჩემი ბედი გაეზიარებინა. თუმცა როდესაც ეს პეტრესთან განვიხილე, ორივე მზად ვიყავით რაც არ უნდა მომხდარიყო, მას სიხარულით დავხვდებოდით. ჩემი მეუღლე არასოდეს მაჩვენებდა ნერვიულობას. სულ ჩემს გვერდით იდგა, ყველაფერს ერთად გავდიოდით“, – განაცხადა დიანა ღურწკაიამ.
წყარო: ambebi.ge
