ფონიჭალაში, 5-სართულიან კორპუსში გაზის აფეთქების ადგილას უმძიმესი ვითარებაა.
,,არიან ადამიანები, რომლებიც ზოგიერთი კავშირზე არ არიან.
მიმდინარეობს სპეციალური მოსამზადებელი სამუშაოები სირთულიდან გამომდინარე, რომ ფაქიზად მოხდეს, ვინაიდან ვინარჩუნებთ იმედს, რომ მოხდება ადამიანებსი გადარჩენა და პოვნა”, – თქვა ბექა ოდიშარიამ აფეთქების ადგილიდან.
,,სართულზე დედა-შვილია მოყოლილი. როგორც ბებია ყვიროდა, 1 წლის შვილიშვილია”, – ამბობს მოქალაქე tv პირველთან.
ადგილობრვივების ცნობით, ნანგრევებში სავარაუდოდ, მოყოლილია 7 ადამიანი, მათ შორის – არასრულწლოვნები.
დამწვრობის ცენტრში კი 31 წლის კაცი სხეულის 87 %-ისდამწვრობით არის გადაყვანილი.
„ჩვენს კლინიკაში დამწვრობით, შემოსულია ახალგაზრდა მამაკაცი, 31 წლის – მას აღენიშნება სხეულის თერმული დამწვრობა დაახლოებით 87 %-ის, ამას ემატება სასუნთქი გზების დაზიანება, თერმულ ინჰალაციური ტრავმა და ბაროტრავმა, სავარაუდოდ, ეს დაზიანებები მან მიიღო გაზის აფეთქების შედეგად.
მოთავსებულია რეანიმაციულ განყოფილებაში, სამწუხაროდ, ძალიან სერიოზული დიაგნოზია“, – თქვა დამწვრობის ცენტრის დირექტორმა, გუგა ქაშიბაძემ tv პირველთან.



















