აშშ-ს პრეზიდენტმა, დონალდ ტრამპმა აშშ-ის ცნობილი ყოფილი ციხის, ალკატრასის ხელახალი გახსნისა და გაფართოების ბრძანება გასცა.
“აღადგინეთ და გახსენით ალკატრასი! ამერიკა სასტიკი და მოძალადე კრიმინალებისგან ზედმეტად დიდხანს იტანჯებოდა – საზოგადოების ნარჩენებისგან, რომლებიც ტკივილისა და ტანჯვის გარდა, ვერასდროს არაფერს შემატებენ ქვეყანას. წარსულში, როდესაც უფრო სერიოზული ერი ვიყავით, ყველაზე სახიფათო დამნაშავეთა იზოლაციის არ გვეშინოდა. ალკატრასის ხელახლა გახსნა კანონის, წესრიგისა და სამართლიანობის სიმბოლო იქნება. ჩვენ ამერიკას ისევ დიდებულს გავხდით!” – დაწერა ტრამპმა.
ალკატრასი 1963 წელს ინფრასტრუქტურის სავალალო მდგომარეობისა და მაღალი ხარჯების გამო დაიხურა – საკვები, საწვავი და სხვა რესურსების კუნძულზე მიწოდება მხოლოდ ნავით იყო შესაძლებელი.
ციხე 1934 წელს გაიხსნა და აშშ-ს ერთ-ერთი ყველაზე მკაცრ სასჯელაღსრულების დაწესებულებად ითვლებოდა. ალკატრასის ციხეში მრავალი ცნობილი დამნაშავე იჯდა, მათ შორის ალ კაპონე.
