სოციალურ ქსელში გარდაცვლილ მოზარდს ემოციური სიტყვებითა და ფოტოთი ემშვიდობებიან.
„დღეს შენი ბოლო ზარი უნდა ყოფილიყო, ლუკა… ვერც კი წარმოვიდგენდი, თუ ეს დღე ასეთი ტკივილით მოვიდოდა. ბავშვობიდან ჩემი გაზრდილი იყავი, ჩემთვის უბრალოდ მულიშვილი არასოდეს ყოფილხარ – განსაკუთრებული ადგილი გქონდა ჩემს გულში, განსაკუთრებული სიყვარული და კავშირი გვქონდა“, – წერს გარდაცვლილი ახალგაზრდის ბიცოლა.
ის იხსენებს იმ სამზადისსა და გეგმებს, რომლებიც ბიჭს წინ ჰქონდა და იმ თბილ, იუმორით სავსე დიალოგებს, რომლებიც ახლა მხოლოდ მოგონებად დარჩა:
„ხშირად გეუბნებოდი – „ბანკეტზე შენნაირი ბიჭი არავინ იქნება-მეთქი“, რადგან მართლაც გამორჩეულად ლამაზი, ზრდილობიანი და კაცური ბიჭი იყავი. მახსენდება, როგორ ვჩხუბობდით შარვალ-კოსტიუმზე… მე მინდოდა კოჭი რომ გამოგჩენოდა, შენ კი სიცილით და სერიოზულობით ერთად მეუბნებოდი: „მაგნაირი შარვალი რად მინდა, ბიცოლა, კაცურად უნდა ჩავიცვა“. რამდენი გეგმები გქონდა ბიცო…“
ოჯახის წევრისთვის უმძიმესია იმ რეალობის ატანა, რომ სადღესასწაულო დღეს ახალგაზრდა, სიცოცხლით სავსე ბიჭის ნაცვლად, მხოლოდ მისი სურათიღა ანათებს:
„დღეს, როცა ამდენ ბოლო ზარს ვუყურებ და შენს მერხზე შენი სურათი დევს, გული და სული განადგურებული მაქვს… არ უნდა ყოფილიყავი ფოტოდ ქცეული მოგონება, შენ აქ უნდა მდგარიყავი – შენი ღიმილით, შენი ხასიათით, შენი კაცური სიტყვებით… ძალიან მაკლიხარ ლუკი ეს მონატრება სიტყვებზე ბევრად დიდია. გული გამიყინე ჩემო ბიჭო“, – წერს გარდაცვლილის ბიცოლა.
