„ეს ხორცი ყარს… ვიჯდები აქ იმისთვის, რომ ეს ქსელში არ გავიდეს და თქვენამდე არ მოვიდეს“ – რა კადრებს აქვეყნებს „სახალხო კონტროლი“?

გადაცემა „სახალხო კონტროლი“ და მისი წამყვანები, მადონა კოიძე და ლიზა ვადაჭკორია ერთ-ერთ ხორცის შესანახ ობიექტზე იმყოფებიან, სადაც გადამღებ ჯგუფს ანტისანიტარიასთან ერთად, გაფუჭებული და აყროლებული ხორცი დახვდა.  ვიდეოში ჩანს, რომ გადაცემის წამყვანი, მადონა კოიძე ფანჯარაზე იმის გამო ზის, რომ ობიექტიდან ხორცის გატანა ვერ მოახერხონ იქამდე, სანამ ადგილზე პატრული და სურსათის ეროვნული სააგენტო მივა.

„აქ არის დამპალი ხორცი, აყროლებული. რამდენიმე ტუში მოიპარეს და ახლა ვზივარ, გაბედონ და გაიტანონ. სანამ მოვა პატრული და სურსათის ეროვნული სააგენტო ვიჯდები აქ იმისთვის, რომ ეს ქსელში არ გავიდეს და თქვენამდე არ მოვიდეს. დანაშაული რომ არ ჩავიდინო, რადგან ეს ჩემი საკუთრება არ არის ვერ შევდივარ აქ. სულაც არ მიჭირს აქ ჯდომა. არ ვიცი ეს საქონელია თუ ცხენის ხორცი, ყარს. იქ სამი კაცია დამალული, მაცივრებიც სავსეა“, – ამბობს მადონა კოიძე.