,,თავდაყირა დადგება ყველაფერი!” – თამარ ბაჩალიაშვილის მშობლების შოკისმომგვრელი განცხადება

თამარ ბაჩალიაშვილის ოჯახი პროკურატურაში მივიდა, ისინი გამოძიების ხელახლა – მკვლელობის მუხლით დაწყებას მოითხოვენ.

„იქიდან მოდის ყველაფერი – დაკვეთა, მკვლელობა – მთავრობიდან. ჩემი შვილი მთავრობამ მოკლა! ხო იძახდნენ ლილუაშვილი არ არიო ქოლცენტრებშიო? ეხლა ვენებს იჭრიან, თურმე ლილუაშვილიი ყოფილა – აღმოჩნდა. არაფერი გამოძიებულა, საერთოდ არაფერი, ერთადერთი ზუსტად საბუთებში რაც წერია ის არი – თამარ ბაჩალიაშვილი, მორჩა! ხელახლა მოვითხოვთ გადაკვალიფიცირდეს, მკვლელობის მუხლით დაიწყონ გამოძიება. სხვა გზა არ არსებობს, გაჩერება არ არსებობს, ბევრი ფაქტები გვაქვს ხელში, ბევრი ინფორმაციები გვაქვს ხელში. დაიწყება გამოძიება და ყველაფერს ვიტყვი, თავდაყირა დადგება ყველაფერი! თვითონ ღარიბაშვილიც გამოვა იტყვის ალბათ, ლილუაშვილიც იტყვის და ის არაკაცი გომელაური როა, ნაპირზე რო დგას – ყველაზე მეტ ინფორმაციას ფლობს ეგა!“ – უთხრა „ფორმულას“ თამარ ბაჩალიაშვილის მამამ, ჯუმბერ ბაჩალიაშვილმა.

ბაჩალიაშვილის დედა ეჭვს გამოთქვამს, რომ ყველაფერი იცის ირაკლი ღარიბაშვილმა.

,,მერე რა რომ მაშინ თავდაცვის მინისტრი იყო (ღარიბაშვილი), სამაგიეროდ მერე 2-ჯერ გახდა პრემიერი, სავარაუდოდ ისევ მაგ კომპრომატების გამო, მე არ მჯერა დამთხვევების. დარწმუნებული ვარ, (ღარიბაშვილს აქვს კომპრომატები მოქმედი თანამდებობის პირების წინააღმდეგ), რომლებიც სავარაუდოდ თამუნას მოაძებნინეს… მაგ დასკვნამდე მივედი, რომ ეს არის კომპრომატების ნახვა. არც კომპიუტერი არ დააბრუნეს, მაგის გამო, რომ იმ კომპიუტერში ჰქონდა ძალიან ბევრი ისეთი ფაილი, რაც ამხელდა ამათ. ამიტომაც წამოვიდა სამსახურიდან და ზუსტადაც იმიტომ დაამთხვიეს იმ სამსახურიდან წამოსვლას, რომ ისრები მიმართული ყოფილიყო იმ სამსახურისკენ.“ – განაცხადა დღეს თამარ ბაჩალიაშვილის დედამ TV პირველთან.