სალომე შარვაძე სოციალურ ქსელში წერს:
,,თითქმის ერთი წელი საშინელ ტკივილებთან და მძიმე რეაბილიტაციასთან ბრძოლაში გავატარე ფეხის მოტეხილობის შემდეგ. ეს იყო ერთი ურთულესი პერიოდი ჩემს ცხოვრებაში — ფიზიკურად, ემოციურად და ფსიქოლოგიურადაც.
დღეს კი ვცეკვავ კიდეც!
მინდა უდიდესი მადლობა გადავუხადო იმ არაჩვეულებრივ ადამიანებს, ვინც ამ ყველაფრის გადალახვაში დამეხმარნენ — ჩემი ერთგული, ყურადღებიანი და სიყვარულით სავსე მეგობრები, ოჯახის წევრები, ნაცნობები…
მადლობა თითოეულ თქვენგანს, ვინც ჩემს გვერდით იდექით, არასოდეს დამივიწყეთ, დღეში ერთხელ მაინც მეკითხებოდით როგორ ვიყავი და შემაგულიანებდით. თქვენთან ერთად შეუძლებელი შესაძლებელი გახდა.
მადლობა უფალს, რომ თქვენ ჩემს ცხოვრებაში ხართ. თქვენ ხართ ჩემი ნამდვილი არმია კეთილის მსურველების, ნამდვილი ურთიერთობის და ნამდვილი სიყვარულის მაგალითი”, – წერს ის.
