მსახიობი ჯაბა კილაძე მის შესახებ გავრცელებულ ფეიკ ინფორმაციას ეხმაურება.
„ძვირფასო მეგობრებო, საერთოდ არ მინდოდა ამაზე აქცენტის გაკეთება, მაგრამ ამ რამოდენიმე დღეში იმდენმა ადამიანმა დამირეკა, შეეშინდათ, თუ ასე შემდეგ. კარგად ვარ, მშვიდობით ვარ. სამწუხაროდ, ისეთ რთულ დროში ვართ, როცა ფეიკი ყველაფერზე მაღლა არის და ძალიან მარტივი გასავრცელებელია. იმედია დადგება დღე, როცა კანონით ეს ყველაფერი დარეგულირდება. სხვა რა უნდა ვთქვა, რომელი ავადმყოფის თავში მოიხარშა ასეთი რაღაც? ყველაფერს კადრულობენ. არ ავყვეთ ფეიკს. იმედია ყველაფერი კარგად და სწორად დალაგდება.
