ბაღდათი-ქუთაისის გზაზე ავტოსაგზაო შემთხვევას ორი ადამიანის სიცოცხლე ემსხვერპლა
ქეთი ტორაძე, ბაღდათის მუნიციპალიტეტის სოფელ დიდველის მცხოვრები, ტრაგიკულ ავტოსაგზაო შემთხვევას ემსხვერპლა. შემთხვევა გუშინწინ საღამოს, ბაღდათი-ქუთაისის გზაზე მოხდა.
როგორც ადგილობრივი გამოცემა “ბაღდადი ინფო” იუწყება, ავტოსაგზაო შემთხვევის შედეგად ერთ-ერთი პირი ადგილზე გარდაიცვალა, ხოლო მეორე მძღოლი მძიმე დაზიანებებით გადაიყვანეს სამედიცინო დაწესებულებაში. თუმცა, მისი სიცოცხლის შენარჩუნება ვერ მოხერხდა – მიღებული ტრავმები სიცოცხლესთან შეუთავსებელი აღმოჩნდა.
შემთხვევის ზუსტი გარემოებები ამ ეტაპზე გაურკვეველია. მომხდარზე გამოძიება მიმდინარეობს და ავტოსაგზაო შემთხვევის მიზეზების დასადგენად შესაბამისი სამსახურები მუშაობენ.
ტრაგიკულმა შემთხვევამ ადგილობრივ საზოგადოებაში მძიმე ემოცია გამოიწვია. ქეთი ტორაძე ოჯახსა და ახლობლებს სამაგალითო პიროვნებად ახსოვთ, და მისი დაკარგვა დიდ დანაკლისად მიაჩნიათ.
სამძიმარს ვუცხადებთ გარდაცვლილთა ოჯახებსა და ახლობლებს.
