ირაკლი კობახიძემ გამოსცა ახალი განკარგულება, რომლის მიხედვითაც, პარტია ,,ქართული ოცნების” თავმჯდომარეს, ირაკლი ღარიბაშვილსა და პარლამენტის ვიცე-სპიკერ თეა წულუკიანს სახელმწიფო დაცვა დაენიშნათ.
შესაბამისი განკარგულებები 12 მარტით თარიღდება.
,,საქართველოს ყოფილ პრემიერ-მინისტრს – ირაკლი ღარიბაშვილს დაენიშნოს/გაუგრძელდეს სახელმწიფო დაცვა, შესაბამისი წინაპირობებიდან გამომდინარე საჭიროების გასვლამდე, 2026 წლის 1 აპრილამდე პერიოდში, სახელმწიფო დაცვის მინიმალური სტანდარტების შესაბამისად. დაცვის ღონისძიებათა განხორციელება უზრუნველყოს სახელმწიფო დაცვის სპეციალურმა სამსახურმა.
საქართველოს პარლამენტის თავმჯდომარის მოადგილეს − თეა წულუკიანს დაენიშნოს/ გაუგრძელდეს სახელმწიფო დაცვა, შესაბამისი წინაპირობებიდან გამომდინარე საჭიროების გასვლამდე, 2026 წლის 1 აპრილამდე პერიოდში, სახელმწიფო დაცვის მინიმალური სტანდარტების შესაბამისად. დაცვის ღონისძიებათა განხორციელება სახელმწიფო დაცვის სპეციალურმა სამსახურმა უზრუნველყოს” – ნათქვამია განკარგულებებში.
აღნიშნულს არაერთგვაროვანი გამოხმაურებები მოჰყვა. მოქალაქეების ნაწილი სოციალურ ქსელებში ამას მიესალმება:
,,ეკუთვნით სახელმწიფოს მართველ გუნდს.გისურვებთ წარმატებებს საქართველოს საკეთილდღეოდ”.
,,წარმატებები კაგ ხალხს”.
ნაწილი კი წერს:
,,ხალხის ფულიდან პენსიონერებს პენსიას არ უმატებენ და თვითონ დაცვებს ინიშნავენ, ეშინიათ მშიერი ხალხის”.
ეს არ არის არამიზობრივი ხარჯვა ბიუჯეტის?!
ვინსზე მიდის ხალხის ფული დაასაქმეს ადამიანები ვინც ახალგაზრდების ცემა ტყეპაში გამოიყენეს აბა რააა ისე ხომ არარის”.
