ირაკლი ღარიბაშვილმა ბრიფინგზე განაცხადა, რომ პოლიტიკიდან წავიდა.
,,მინდა, ჩემი პოლიტიკიდან წასვლის გადაწყვეტილება გაგაცნოთ. ბოლო რამდენიმე კვირაა, ჩემს მომავალ პოლიტიკურ საქმიანობასთან დაკავშირებით სპეკულაციები არ წყდება […] დღემდე, თითოეული ის ნაბიჯი, რომელიც პოლიტიკურ ცხოვრებაში გადამიდგამს, კონკრეტულ მიზანს ეფუძნებოდა – ჩვენი ქვეყნისა და ხალხის მსახურებასა და ჩვენი სახელმწიფოს გაძლიერებას. შესაბამისად, ჩემი მთავარი მოტივაციაც, როგორც საქართველოს ერთ-ერთი პატრიოტის, ყოველთვის სამშობლოს სიყვარული იყო და აქედან გამომდინარე, ჩემი გულწრფელი და ძლიერი სურვილი, რომ ჩვენი ქვეყნის გასაძლიერებლად ერთი მყარი აგური მეც დამედო.
2011 წლის ოქტომბერში ჩემს ცხოვრებაში ერთ-ერთი ყველაზე მნიშვნელოვანი გადაწყვეტილება მივიღე, როცა ბიძინა ივანიშვილი პოლიტიკაში მოვიდა და მე მის პოლიტიკურ გუნდში გავერთიანდი.
მადლობა ღმერთს, ბიძინა ივანიშვილის ლიდერობით, საკუთარი ხალხის მტერი, ეროვნული ინტერესების მოღალატე, მჩაგვრელი და მოღალატე რეჟიმი სამუდამოდ ჩამოვაშორეთ ხელისუფლებას. 2012 წლის ოქტომბრიდან დღემდე მე წილად მხვდა პატივი ბიძინა ივანიშვილის გუნდთან ერთად აქტიურად მემუშავა ჩვენს ქვეყანაში მშვიდობის, სტაბილურობის და განვითარების უზრუნველყოფისთვის. […] ამ პროცესში ორჯერ ვიყავი პრემიერი, შს მინისტრი, თავდაცვის მინისტრი, ხოლო ბოლო ერთ წელიწადზე მეტია ქართული ოცნებისთავმჯდომარის პოზიციიდან ვემსახურები საქართველოს.
ნამდვილად მეამაყება, რომ ჩემი საქმიანობის პერიოდში თავდაუზოგავად ვიშრომე, გუნდთან ერთად ბევრი საქმეც გავაკეთე და ბევრი გამოწვევაც დავძლიეთ.
წყარო: ტაბულა
