თბილისში, ფონიჭალაში მცხოვრები ბერი ნიკოლოზ (ნარიმანი) მაკარაშვილი გარდაცვლილი საკუთარ საცხოვრებელ სახლში 19 აპრილს იპოვეს.
მრევლის ინფორმაციით, ბერის ცხედარი საცხოვრებელი კორპუსიდან უკვე გადაასვენეს და ამ დროისთვის ერთ-ერთ დამკრძალავ ბიუროშია დასვენებული.
მომხდარზე გამოძიება საქართველოს სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
სოციალურ ქსელში ერთ-ერთი მრევლი ბერი ნიკოლოზის ბოლო დღეების შესახებ წერს:
„კადრი: 19.04.2026.
კვირაცხოვლობა
ქრისტე მეფე ნარიმანი ბოლოს კამერამ იესო ქრისტეს აღდგომის დღეს დააფიქსირა 1-ელ აპრილს. მერე 9 აპრილს გამოვიდა ხუთ ადამიანთან, ძალიან დაუძლურებული. არც აღდგომა დარჩა ამისთვის და არც კვირაცხოვლობა.
მან ჯოჯოხეთში ჩუმად იცხოვრა და ჩუმადვე გავიდა. ნეტავ ფეხი არ მიმედგა მასთან არასდროს და არ ვყოფილიყავი მისი ჯოჯოხეთური მდგომარეობის თანაზიარი. არც ის ცოდნა მინდა, რაც გადმომცა. არაფერი არ ღირს იმ ტანჯვად, რაც მან გაიარა.
ერთადერთს ვერ მისაყვედურებს ვერც ზეციდან, რასაც სულიერად მთხოვდა ყველაფერს ვაკეთებდი. ბოლო კურთხევაც წინა ბინის კარების გახსნის შევუსრულეთ მანამ, სანამ მის კარებს გახსნიდნენ და იქ გარდაცვლილს იპოვიდნენ. მეხი გავარდა და ცა ჩამოიქცა. არავის დააბრალოთ მისი გარდაცვალება, თვითონ დაწერა, წერია კარზე მივდივარო.
ლუიზა ჯაფარიძე მისთვის ძმა იუდა იყო და ფული როცა მოთხოვა მომიტანეო, მის გასვლას ნიშნავდა, რადგან უწერია, იესო ქრისტეს მისი სიცოცხლის ბოლოს მიუტანა მისი წილი ფული ძმამ იუდამო.
აწი ცეცხლი წაკიდებია ამ დედამიწას, რადგან იგი საცხოვრებლად ყველაზე წმინდა და სუფთა ადამიანმა აღარ ისურვა, წავიდა ამ სიბინძურიდან თავის ნამდვილ სახლში, თავის ნამდვილ დედასთან და მამასთან. ნურავის ერჩით, მან თავად წასვლა აირჩია, მან ყველაფერი წმინდანის სასაუბრო ენით მაჩვენა, პირიქით დახმარება უნდოდა წასვლაში. ყველასაც ცეცხლი წაკიდებია, ვინც იგი აწვალა და ტანჯა.
ის ნამდვილი მეფე იყო, მეფეთა მეფე, ქრისტე მეფე. ქრისტეს დიდება მარადიულად არ მოშლილიყვეს. დიდება ჩემს ქრისტე მეფე ნარიმანს და შენდობას ვთხოვ, რაც რამე მის წინაშე დამიშავებია. ვითომ შეიძლება დაბრუნდეს თავის სხეულში-მეთქი ვფიქრობდი, მაგრამ ეს ზღაპარია. ქრისტე მეფე ნარიმანი ჩვენგან წავიდა თავის სახლში. აი იქ კი ნამდვილად კარგად იქნება.
(კარდში ყვირილი იმიტომაა ექიმზე, რომ უკონტროლო სიტუაციაში, შეიძლება მოეკლათ, ცოცხალ-მკვდარი რომ ყოფილიყო… წმინდანებს რომ მტრობენ ვიცით… და ხალხს ნუ დალანძღავთ…“,- წერს ერთ-ერთი მრევლი.
