პარი სენ-ჟერმენში ხვიჩა კვარაცხელიას მოსალოდნელი ტრანსფერის პარალელურად, „ნაპოლი“ ქართველი ფეხბურთელის შემცვლელს ეძებს. როგორც Europop წერს, ნეაპოლელები რამდენიმე ვარიანტს განიხილავენ: ედონ ჟეგროვა, ფედერიკო კიეზა, დან ნდოიე, მაგრამ ანტონიო კონტეს ფავორიტი მანჩესტერ იუნაიტედის გარემარბი, 20 წლის ალეხანდრო გარნაჩოა.
იტალიელი ჟურნალისტი ალფრედო პედულა გარიგების ფინანსურ დეტალებზე ავრცელებს ინფორმაციას, მისი ცნობით, ნაპოლი მანჩესტერს 40 მილიონ ევროს, პლუს 5 მილიონის ბონუსს სთავაზობს, ხოლო ინგლისელთა პირველი მოთხოვნა 70 მილიონი ევროა. თუმცა, მოლაპარაკებების შედეგად ფასის დაკლება შესაძლებელია.
20 წლის ალეხანდრო გარნაჩომ ინგლისურ კლუბში დღემდე ჩატარებულ 116 მატჩში 23 გოლი გაიტანა.
Il retroscena: #Garnacho, il #Napoli offre 40+5, lo #United chiede di più. La #Juventus… https://t.co/Vi8yKjVhHh
— Alfredo Pedullà (@AlfredoPedulla) January 13, 2025
