რუსთაველის თეატრის მსახიობი ანა ამილახვარი აცხადებს, რომ რობერტ სტურუას სპექტაკლებში მონაწილეობა აღარ სურს.
„ჩემს სტატუსს რუსთაველის თეატრში ასე ადვილად ვერ დავთმობ, რადგან ის ჩემი ჯანმრთელობის და ფსიქიკური კრიზისების ფონზე მაქვს მოპოვებული. თუმცა, პირველად ვამბობ, რომ მე აღარ მსურს ბატონი რობერტ სტურუას სპექტაკლებში მონაწილეობა. დავიწყებ ამასთან დაკავშირებით მოლაპარაკებებს და მე მასთან საერთო აღარაფერი მაქვს. ძალიან დიდი ბოდიში მაყურებელს იმისთვის, რაც ხდება რუსთაველის თეატრში. იმედი მაქვს, დაიბრუნებს თავის ღირსებას“, – აცხადებს ანა ამილახვარი.
