წალენჯიხის ერთ- ერთ სოფელში ჯგუფურად არასრულწლოვნის მიმართ ჩადენილი ოჯახში ძალადობის ბრალდებით დედა და ბებია დააკავეს.
შემზარავი დანაშაული მას შემდეგ გამოაშკარავდა, რაც ბავშვმა, რომელსაც საღორესა და სასიმინდეში საათობით კეტავდნენ და სცემდნენ, თავს გაქცევით უშველა და ფეხით რამდენიმე კილომეტრი გაიარა, რომ მეორე ბებიის სახლამდე მიეღწია.
როგორც tv პირველთან ბავშვის ბებია ამბობს, შვილიშვილმა მას მოუყვა, რომ დედას მთელი კვირა ჰყავდა ჩაკეტილი და მხოლოდ წყალს და პურს აწვდიდა.
გამოძიების ინფორმაციით, 7 წლის ბავშვზე დედამ და ბებიამ ფიზიკურად იძალადა და არასრულწლოვანს ძალადობის შედეგად, სხეულის სხვადასხვა არეში მრავლობითი დაზიანება აღენიშნება.
დანაშაული 3 წლამდე ვადით თავისუფლების აღკვეთას ითვალისწინებს. მომხდარზე ოფიციალური ინფორმაცია სამართალდამცავებმა უკვე გაავრცელეს.
