რამდენიმე დღის წინ გარდაცვლილი ლანა ლატარიას ოჯახი ამბობს, რომ 26 წლის ქალის გარდაცვალების მიზეზი მათთვის უცნობია და საზოგადოებას მოუწოდებენ, ექსპერტიზის დასკვნამდე გადაუმოწმებელ ინფორმაციებს ნუ გაავრცელებენ.
უკრაინაში მებრძოლი ჯარისკაცის, ზაალ ლატარიას და მისი მეუღლის პოზიცია TV პირველის ეთერში, გადაცემა “დღის ამბებში” ჟურნალისტმა ნანუკა ჟორჟოლიანმა გააჟღერა.
ექსპერტიზა უკვე ჩატარდა, დაახლოებით ერთი თვე უთხრეს, რა ვადაშიც ოჯახმა უნდა გაიგოს გარდაცვალების მიზეზი. ოფიციალურად, მე როგორც ვიცი, ეუბნებიან სეფსისის მიზეზს. დედის სურვილია საზოგადოებამ იცოდეს, რომ გინეკოლოგიური დახმარებისთვის, რეკომენდაციებისთვის სამითვის წინ იყო [ლანა ლატარია] მის ექიმთან, ამიტომ დედა გამორიცხავს იმ ჭორს, ან არასწორ ინფორმაციას რისი გამოერებაც არ მინდა. დედამ ხაზგასმით თქვა, ზუსტად იოცის, რომ არანაირი ქირურგიული ჩარევა არ ყოფილა.
ასევე, ნათლობასთან დაკავშირებით დედისთვის მნიშვნელოვანია, რომ ლანა ლატარია მონათლული იყო. ასევე მშობლებისთვის მნიშვნელოვანია, რომ მას ორივე შვილი მონათლული ჰყავდა, ჯვარიც დაწერილი ჰქონდა. ის მამაო, რომელმაც ჯვარი დაწერა, იყო წესის ამგები ერთ შემთხვევაში, წესი აუგო სხვა ორმა მამაომაც.
ოჯახი გამოთქვამდა წყენას, რომ მიცვალებულის ეკლესიაში დასვენებაზე უარი ეთქვათ. ისინი ვერ იგებენ, რა შეიძლება იყოს უარის მიზეზი. თვითმკვლელობის ვერსიას არც კი უარსებია საერთოდ.
მამა, ზაალ ლატარია მიყვებოდა, რომ გოგო თავისი ფეხით მივიდა ექიმთან, საჭესთან იჯდა. ორმხივი კომუნიკაცია ჰქონდათ და შვილს რაღაც წუხილებს ვერ ატყობდნენ, რასაც შეიძლებოდა ეჭვი გაეჩინა, პირიქით, მამა ხაზს უსვამს, რომ შვილი ძალიან კარგ ხასიათზე იყო და მოულოდნელადმ, კონკრეტულ ლოკაციაზე მისვლის დროს დადგა გარდაცვალება”- თქვა ნანუკა ჟორჟოლიანმა.
