მძღოლი, რომელმაც დღეს საღამოს მარნეული-ბოლნისის გზაზე მომხდარი ავტოსაგზაო შემთხვევის დროს ორი არასრულწლოვანი მოკლა 19 წლისაა.
შინაგან საქმეთა სამინისტროს ინფორმაციით, მძღოლი უკვე დაკავებულია.
„გამოძიებით დადგინდა, რომ აღნიშნული პირი, საავტომობილო გზაზე, თავისი მართვის ქვეშ მყოფი ავტომობილით ოთხ მგზავრთან ერთად გადაადგილდებოდა, რა დროსაც მოხდა ავტოსაგზაო შემთხვევა, რომლის შედეგად, ქვეითად მოძრავი ორი მოზარდი, აქედან ერთ-ერთი ადგილზე, ხოლო მეორე სამედიცინო დაწესებულებაში გარდაიცვალა” – ნათქვამია შსს-ს განცხადებაში.
მომხდარზე გამოძიება სისხლის სამართლის კოდექსის 276-ე მუხლით მიმდინარეობს.
ტრაგედიის ადგილას ადგილობრივები არიან შეკრებილი. ადგილზე ვითარება დაძაბული იყო, იყო ფიზიკური შეხლა-შემოხლაც.
