ორი შვილი და საკუთარი კომპანია – როგორ ცხოვრობს და რას საქმიანობს ცნობილი წყვილი, რომელმაც საქართველო წლების წინ დატოვა? – სამორი ბალდეს და სოფო ბარნოვის ამერიკული თავგადასავალი

სა­მო­რი ბალ­დემ და სოფო ბარ­ნოვ­მა საქართველო 2015 წელს დატოვეს და საცხოვრებლად ამერიკის შეერთებულ შტატებში გადავიდნენ. 2016 წელს წყვილს პირველი შვილი შეეძინა.

დღეს მათ კერძო კომპანია აქვთ და ორ შვილს ზრდიან. სოფო ბარნოვი Ambebi.ge-ს თავისი ამერიკული ცხოვრებისა და იმის შესახებ ესაუბრა, როგო მიიღეს შტატებში გადასვლის გადაწყვეტილება.

„2013 წლის ზა­ფხულ­ში ჩემი მე­უღ­ლე რამ­დე­ნი­მე თვით იყო ჩა­მო­სუ­ლი ნიუ-იორკში, რო­გორც ტუ­რის­ტი, ძა­ლი­ან მო­ე­წო­ნა ეს ქა­ლა­ქი, მა­შინ შეყ­ვა­რე­ბუ­ლე­ბი ვი­ყა­ვით. რო­დე­საც დაბ­რუნ­და სა­ქარ­თვე­ლო­ში, შე­მომ­თა­ვა­ზა რომ ერ­თად წა­მოვ­სუ­ლი­ყა­ვით. იმ პე­რი­ოდ­ში, აქ­ტი­უ­რად ვფიქ­რობ­დი სწავ­ლის გაგ­რძე­ლე­ბას იტა­ლი­ის დე­და­ქა­ლაქ რომ­ში, ზა­ფხულ­ში სას­წავ­ლო პროგ­რა­მით წა­სუ­ლიც ვი­ყა­ვი, სა­ბო­ლოო ჯამ­ში ამე­რი­კა­ში დრო­ე­ბით გად­მოს­ვლა გა­დავ­წყვი­ტეთ.

სირ­თუ­ლე­ე­ბი რო­გორც უცხო ქვეყ­ნი­დან ჩა­მო­სულ ხალ­ხს, რა თქმა უნდა, ჩვენც შეგ­ვხვდა, ბევ­რს არა­ვის ვიც­ნობ­დით და უამ­რავ სა­კი­თხში გარ­კვე­ვა თა­ვად მოგ­ვიხ­და, მაგ­რამ ენის ბა­რი­ე­რი არც ერთს გვქო­ნია, რა­მაც ჩვე­ნი აქ ყოფ­ნა, შე­იძ­ლე­ბა ით­ქვას, რომ გა­ა­ად­ვი­ლა.

ბოლო 6 წე­ლია დე­კო­რა­ტი­უ­ლი არ­ტის სფე­რო­ში ვმუ­შა­ობ, მაქვს სა­კუ­თა­რი კომ­პა­ნია, ვა­კე­თებთ კერ­ძო შეკ­ვე­თებს, რაც სხვა­დასსხვა კომ­პო­ზი­ცი­უ­რი თუ ფაქ­ტუ­რუ­ლი დი­ზა­ი­ნის შექ­მნას მო­ი­თხოვს ინ­ტე­რი­ე­რის­თვის.

სა­მო­რიც დე­კო­რა­ტი­უ­ლი არ­ტის სფე­რო­შია ჩარ­თუ­ლი, არა შე­მოქ­მე­დე­ბი­თი, არა­მედ სა­ორ­გა­ნი­ზა­ციო კუ­თხით, საკ­მა­ოდ რთუ­ლი სფე­როა, რაც ბევრ სხვა ისეთ უნა­რებს მო­ი­თხოვს, რაც სა­მო­რის გა­აჩ­ნია. ასე­ვე, აქვს მუ­სი­კა­ლუ­რი სტუ­დია და პე­რი­ო­დუ­ლად მუ­შა­ობს.

ბიჭი და გოგო გვყავს, დე­მი­ე­ნი და მია. დროს ბავ­შვე­ბის­თვის ყო­ველ­თვის ვნა­ხუ­ლობ, პრი­ო­რი­ტე­ტი ჩემ­თვის ოჯა­ხია, შემ­დეგ საყ­ვა­რე­ლი საქ­მე და და­ნარ­ჩე­ნი ყვე­ლა­ფე­რი.

საყ­ვა­რე­ლი ადა­მი­ა­ნე­ბის­გან და სამ­შობ­ლო­დან შორს ყოფ­ნა ყვე­ლა­ზე მძი­მე რამ არის, რაც აქ ყოფ­ნას ახ­ლავს. მუდ­მი­ვად აქ დარ­ჩე­ნა ერთი წუ­თი­თაც არ მი­ფიქ­რია, ჩემი ნა­ხე­ვა­რი ოჯა­ხი და მე­გობ­რე­ბი, ისი­ნი, ვინც ძა­ლი­ან მიყ­ვარს, სა­ქარ­თვე­ლო­ში ცხოვ­რო­ბენ, მათი ნახ­ვა კი ძა­ლი­ან დიდი ბედ­ნი­ე­რე­ბაა.

ჩემ­თვის ამე­რი­კა მა­ინც თა­ვი­სუფ­ლე­ბას­თან ასო­ცირ­დე­ბა, სა­დაც ადა­მი­ა­ნებს შე­უძ­ლი­ათ ისე­თე­ბი იყ­ვნენ, რო­გო­რე­ბიც არი­ან, თეთ­რე­ბი თუ შა­ვე­ბი, გამ­ხდრე­ბი თუ ჭარ­ბწო­ნი­ა­ნე­ბი, მწვა­ნე თმით თუ ლურ­ჯით, სა­ყუ­რით თუ უსა­ყუ­როდ, რე­ლი­გი­უ­რე­ბი თუ არა­რე­ლი­გი­უ­რე­ბი, ანუ მრა­ვალ­ფე­როვ­ნე­ბი, რო­გორც ჩვე­ნი სა­მუ­შა­ოა, და ამის გამო სა­ზო­გა­დო­ე­ბა არ გა­ნი­კი­თხავ­დეს ან უა­რეს შემ­თხვე­ვა­ში, არ უზღუ­დავ­დეს სი­ცო­ცხლის უფ­ლე­ბას. რა თქმა უნდა, არ არ­სე­ბობს სის­ტე­მა, სა­დაც დარ­ღვე­ვა არ არის, მაგ­რამ მსოფ­ლი­ოს სხვა­დას­ხვა ქა­ლა­ქებ­ში, სა­დაც ნამ­ყო­ფი ვარ, ნიუ-იორ­კი ყვე­ლა­ზე თა­ვი­სუ­ფა­ლი და მრა­ვალ­ფე­რო­ვა­ნი ქა­ლა­ქია. ვფიქ­რობ, ეს არის აქა­უ­რო­ბის მთა­ვა­რი შარ­მი“, – ამბობს სოფო ბარნოვი.

წყარო: Ambebi.ge