პოლონეთში საქართველოს მოქალაქე მოკლეს.
როგორც ირკვევა, გარდაცვლილი თელავის მკვიდრი, 37 წლის გიორგი ჭილაშვილია. პოლონეთის პოლიციამ მის ცხედარს 25 აპრილს მიაგნო.
ახლობლების ინფორმაციით, ახალგაზრდა კაცს სხეულზე დანით მიყენებული მრავლობითი ჭრილობები აღენიშნება.
მათივე თქმით, გიორგი ჭილაშვილი პოლონეთში პერიოდულად სამუშაოდ დადიოდა.
მომხდარ ფაქტზე პოლონეთის პოლიციამ გამოძიება დაიწყო. გარდაცვლილი ამ დროისთვის ექსპერტიზაზეა გადასვენებული. გიორგი ჭილაშვილის საქართველოში გადმოსვენება მხოლოდ ექსპერტიზის დასრულების შემდეგ იქნება შესაძლებელი.
