დღეს, როცა მთელი მართლმადიდებლური სამყარო გლოვობს საქართველოს კათოლიკოს-პატრიარქს, უწმინდეს და უნეტარეს ილია მეორეს, რასაკვირველია, ყველაზე მეტად ამ უდიდეს დანაკარგს მისი უახლოესი ადამიანები განიცდიან – ოჯახის წევრები და მეგობრები. პირველ რიგში კი მისი ძმისშვილი და ამავდროულად მისი ერთგული მეგობარი წლების განმავლობაში, ბათუმისა და ლაზეთის მიტროპოლიტი, ჩრდილოეთ ამერიკისა და კანადის მიტროპოლიტი, საქართველოს საპატრიარქოს საინფორმაციო სამსახურის თავმჯდომარე მეუფე დიმიტრი შიოლაშვილი.
როგორც ცნობილია, ილია მეორეს (ირაკლი ღუდუშაურ-შიოლაშვილს), რომელიც 1933 წლის 4 იანვარს ვლადიკავკაზში, გიორგი სიმონის ძე ღუდუშაური-შიოლაშვილისა და ნატალია იოსების ასულ კობაიძის კეთილმორწმუნე ოჯახში დაიბადა, ჰყავდა დედმამიშვილები: ძმები – თეიმურაზი, შოთა, ვიქტორი, და – ნინო (ნატალია). სწორედ დედა ნატალიას ფოტოები ვრცელდება ბოლო დღეებში, ის ერთადერთია დედ-მამიშვილებიდან, რომელიც ცოცხალი დარჩა და ეს დღეები ძმის სარეცელს არ შორდება.
უფროსი ძმა ვიქტორი, რომელიც ბერი გიორგის სახელით მოღვაწეობდა, რამდენიმე ხნის წინ გარდაიცვალა. მეუფე დიმიტრი კი ილიას ძმის შოთას შვილი გახლავთ.
ერისკაცობაში ნოდარ (ჭაბუკა) შოთას ძე შიოლაშვილი დაიბადა 1961 წლის 16 თებერვალს მცხეთაში. ყმაწვილობიდან იზრდებოდა ბიძის, იმხანად მეუფე ილიას, სრულიად საქართველოს კათოლიკოს-პატრიარქის, უწმინდესი და უნეტარესი ილია II-ის მეთვალყურეობით. 1979 წელს დაამთავრა მცხეთის საშუალო სკოლა და ჩაირიცხა მცხეთის სასულიერო სემინარიაში, რომლის დამთავრების შემდეგ სწავლა განაგრძო მოსკოვის ზაგორსკის სასულიერო აკადემიაში.
1986 წელს დაიცვა დისერტაცია საეკლესიო ისტორიაში და დაბრუნდა საქართველოში. მისმა უწმინდესობამ, სრულიად საქართველოს კათოლიკოს-პატრიარქმა ილია II-მ 1985 წლის 28 ივლისს დიაკვნად, 1986 წლის 12 იანვარს მღვდლად აკურთხა და განაწესა ბათუმის წმ. ნიკოლოზის ტაძარში მღვდელმსახურად. 1987-1988 წლებში მსახურობდა ალავერდის ტაძარში, 1988-1989 წლებში – თბილისის ანჩისხატის საკათოლიკოსო ტაძარში, იმავდროულად ლექციებს კითხულობდა თბილისის სასულიერო აკადემიაში…განაგრძეთ კითხვა და დაათვალიერეთ ფოტოები
